fbpx
May 24, 2022

BID den reunion cu sindicato SEPPA pa adresa preocupacion di recorte y pensioen

Share on facebook
Share on Facebook
Share on whatsapp
Share on Whatsapp
0
0
BID den reunion cu sindicato SEPPA pa adresa preocupacion di recorte y pensioen
BID den reunion cu sindicato SEPPA pa adresa preocupacion di recorte y pensioen


Manera por a tuma nota, ayera tabata dia nacional di accion den cual varios organisacion y instancia gubernamental a pone trabou abou pa asina mustra nan malcontento cu e recorte di 12.6% di parti di gobierno.

Ora cu a kere cu esaki no lo continua, t’e trahadonan di e departamento di BID (Bureau Interne Diensten) cu a dicidi di sali pafo awo pa asina nan tambe bisa cu ta basta cu e cortamento den salario aki y tambe ta preocupa cu e asunto di pensioen. A realisa esaki conhuntamente cu sindicato SEPPA.

BID den reunion cu sindicato SEPPA y cu nan preocupacion tambe

Posted by 24ora on Thursday, December 9, 2021

Secretario general di sindicato SEPPA, Magaly Brito a splica cu ta importante p’e trahadonan uni na e lucha di e entrega di 12.6%. Brito a sigui conta cu no mester lubida cu e trahadonan publico aki ta wak hopi cos pasa cu ta crea mas rabia ainda. A señala riba decision di gobierno cu ta crea rabia paso nan ta keda tuma nota cu mientras ta kita 12.6% di e trahadonan, gobierno ta keda tuma personal añadiendo mas na e malcontento cu ta reina ful rond di nos isla.

Tambe Brito a splica cu pa e dianan binidero por spera mas dia di accion ya cu varios grupo a indica cu nan kier sali y haci uzo di nan derecho pa protesta.
 
Pa cobertura mas amplio lesa edicion di TREMPAN mañan.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.