fbpx
July 06, 2022

Minister Glenbert Croes ta admiti cu tin cierto diferencia di opinion cu Raiz

Share on facebook
Share on Facebook
Share on whatsapp
Share on Whatsapp
0
0
Minister Glenbert Croes ta admiti cu tin cierto diferencia di opinion cu Raiz
Minister Glenbert Croes ta admiti cu tin cierto diferencia di opinion cu Raiz


Dia 5 di november, miembro di parlamento pa fraccion di Raiz, alabes vice-presidente, Raymond Kamperveen, a manda un carta caminda cu e ta haci un serie di pregunta den cuadro cu e proyecto di Eagle LNG cu tin di haber cu Utilities NV, WEB Aruba NV y NV Elmar, na Minister di Labor, Integracion y Energia, Glenbert Croes.

Den e carta aki tambe e parlamentario a pidi p’e contracto y no a haya ningun contesta riba su carta di parti di e mandatario.

Segun minister Croes, nan a cay atrasa pa contesta tur e preguntanan haci p’e parlamentario. E ta comenta cu den parlamento tin cierto mecanismo con ta divulga tur contract, den cuadro cu transparencia.

El a agrega loke cu gobierno por haci, ta pa haci un bin cu un resumen di e contract.

Raiz mes no tabat’ey presente durante di e rueda di prensa despues cu a firma e acuerdo entre Eagle LNG y WEB Aruba NV.

E minister a menciona cu nan tabatin reunion cu nan partner den gobierno y tabatin cierto diferencia di opinion. Pero nos ta bibando den un democracia bibo y ta respeta nan opinion.

Pa un cobertura mas amplio lesa e edicion di TREMPAN di mañan.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.