fbpx
May 24, 2022

Un biaha mas barco Hulandes a intercepta droga riba laman Caribe

Share on facebook
Share on Facebook
Share on whatsapp
Share on Whatsapp
0
0
Un biaha mas barco Hulandes a intercepta droga riba laman Caribe
Un biaha mas barco Hulandes a intercepta droga riba laman Caribe
Posted on 12/9/2021 10:00 am AST | Updated on 12/9/2021 10:01 am AST

ORANJESTAD – E Barku Marina Hulandes Zr.Ms. Holland, pa di tres biaha den korto tempu, a detektá un transporte di droga. Riba Laman Karibe e barku di patruya a sa di laga un asina yamá  ‘go-fast’ stòp, e barku tabatin dos pasahero a bordo. Riba e boto e barku Patruyero a interseptá 235 kilo di kokaina. E kaptura ya a sosedé dia 17 di novèmber, pero a keda publiká awe.

E Helikòpter di bordo NH90 a deskubrí e boto rápido di droga un ‘go-fast’ , durante un momentu di patruyahe. Despues di esaki Zr.Ms. Holland a kuminsá un persiguishon ku yudansa di su dos navenan rápido di intersepshon (FRISC), kual tabatin a bordo un ekipo kombiná di US Coast Guard/Wardakosta Merikano i Kuerpo di Marina. Na e mes momentu e NH90 a brinda sosten for di ariba na e operashon di embarke. 

Ámbos pasahero prosedente di Repúblika Dominikana a keda arestá. E sospechosonan, ademas e kontrabanda. mas despues a keda entregá na un barku di Wardakosta Merikano, pa persiguishon na Estado Unídos. NOTA: E texto ta scirbi den Papiamento fonologico di Corsou. 

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.