fbpx
May 28, 2022

Dr. Eric Mijts a defende su doctorado na Universiteit Gent y Universiteit Antwerpen

Share on facebook
Share on Facebook
Share on whatsapp
Share on Whatsapp
0
0
Dr. Eric Mijts a defende su doctorado na Universiteit Gent y Universiteit Antwerpen
Dr. Eric Mijts a defende su doctorado na Universiteit Gent y Universiteit Antwerpen


Dr. Mijts a defende su doctorado exitosamente dia 26 di November na Belgica. Su promotornan ta Reinhild Vandekerckhove (Universidad di Antwerpen), Pol Cuvelier (Universidad di Antwerpen) y Michael Meeuwis (Universiteit Gent).

E proyecto di dr. Mijts a trata relacion complica entre e ideologia di idioma, colonisacion y e mobilidad social-economic y emancipacion den e ex-colonianan, unda e maneho di idioma colonial hereda ainda tin su influencia awendia. E maneho di idioma ta duna prioridad na e idioma di e colonisado previo riba e idioma di cas di esnan den enseñansa, y frecuentemente den practicanan legal y den gobernacion.

Den e estudio aki, dr. Mijts a proba cu e apolicacion di e idioma colonial den enseñansa y den e otro areanan di uzo di idioma ta bay man den man cu e ideologianan di e idioma, cultura, institucionnan y e sistemanan di enseñansa di e colonisado previo presenta como superior. Esaki ta e caso mientras e idiomanan di cas ta presenta como inadecua, inapropia pa enseñansa, y hasta tambe inadecua pa referi na esakinan como idioma.

Dr. Mijts a conclui cu un comprendemento di e ideologianan y sistema di creencia relaciona cu idioma, enseñansa y desaroyo socio-economico por expone e naturalesa structural y ideologico di desigualdad, a base di e escogencia di idioma den e estadonan decolonial multilingual. Sosten completo pa transicion cu ta faborece e idiomanan di mayoria di e población di e ex colonianan por ser realisa solamente ora cu e creencianan di entre otro inferioridad di idiomanan di cas ser identifica of exponi como residuo di pasado colonial. Cambio por incrementa poco poco den maneho di idiomanan den e estadonan colonial ora por embrasa e realidad multilingual completamente como oportunidad.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.