fbpx
July 05, 2022

SEPPA: A pesar di menasa y intimidacion trahadonan a bin y manifesta

Share on facebook
Share on Facebook
Share on whatsapp
Share on Whatsapp
0
0
Magaly Brito (SEPPA): A pesar di menasa y intimidacion trahadonan a bin y manifesta
Magaly Brito (SEPPA): A pesar di menasa y intimidacion trahadonan a bin y manifesta


Secretario General di SEPPA, Magaly Brito a comenta cu a papia cu e trahadonan presente na Bestuurskantoor, despues cu nan a sali marcha fo’i Julianaplein y a expresa di ta contento cu a pesar di tur circunstancia y intento di menasa y intimida trahado, nan a sa di presenta na pa vocifera nan malcontento. Esey ta haci cu e sindicatonan a sali un biaha mas cu nan, pasobra ta un oportunidad cu nan kier haci uzo di dje pa demostra no solamente na gobierno di Aruba of e doño di trabao, pero pa tur esunnan cu ta para na banda critica.

N’e mes momento cu si ta asina berdad cu nos autonomia ta te na vloer, e ora ta demostra na esunnan cu a trapa nos derechonan como ciudadano y como trahado y a mishi of negosha cu nan salario, cu e trahadonan ta mal contento.

Gobierno a informa cu gobierno di Hulanda lo tuma un decision mas tarda diabierna. E mensahe ta pa Hulanda tambe, cu na momento cu nan a permiti gobierno di Aruba den su rol como doño di trabao, mishi cu salario di e trahadonan, ta un hecho di mala fe.

Brito a sigui splica cu n’e luga tur a bin a manifesta nan mal contento. Mester tin basta miedo pa bin cu un boshi polis p’e accion aki.

For di momento cu ta mishi cu trahado mientras cu ta negosha cu salario di trahado, gobierno no tabatin e moral pa sinta y exigi pa e trahadonan keda trankil y para manifesta nan malcontento.

E ora si tuma nota di tur e cantidad di accion cu como dunado di trabao ta keda tuma, mientras cu e trahadonan ta keda sinti dolor p’e hecho cu a mishi cu nan entrada.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.