Un pareha turista basta bebi tabata core asina duro y den forma peligroso. E coremento a capta atencion di unidad policial cu tabata riba caya. Riba e caminda di San Nicolas biniendo Playa a sigui e auto mientras mas unidad di polis a bay yuda. Banda di Sero Teishi bin abou prome cu rotonde di Mahuma a logra para e auto.
A atende seriamente cu e pareha turista. Den e caso aki e agentenan a escohe pa duna nan un trato special. A dicidi cu no ta detenenan. A busca un taxi pa hiba nan hotel. Tambe polis a stuur e V-Wagen bay cu ne pa warda. E turistanan tabata riba De Palm Island y eynan a bebe basta.
A gosa hopi sin pensa riba e coremento responsabel sin bebe alcohol. E turista tabata semi emocional tambe ora polis a paranan. Prome cu bandona e sitio cu taxi a acerca polis cu a paranan.
A bay brasa e polis como gesto di gradicimento pa no detenenan despues di haya nan riba caminda cu auto. E agente a ricibi e brasa hopi fuerte cu masha aprecio for di e turista mientras e taxista tabata warda porta habri pa hiba e turista su destino.
E turista chauffeur a pasa test. A laga e turista supla. E tabata tin suerte cu e nivel di alcohol cu el a supla no tabata suficiente pa detene. Si e tabata suficiente pa duna e turista un prohibicion pa stuur.
Pesey mes polis a bisanan cu no mag sigui cu e auto. Pa cordialidad como un bon Arubiano a pidi taxi pa nan pasobra nan no conoce Aruba. E trato cu polis a duna a laganan sinti bon. Kizas na Merca ta otro situacion si nan a pasa den esaki.
