Den fin di siman, gobierno Hulandes a decreta un cierre total (total lockdown), net prome cu e dianan di fiesta, pa asina purba contene e propagacion di e Coronavirus y su variante Omicron. Esaki un biaha mas ta atenta contra di economia di Hulanda.
Coresponsal di 24ora.com como tambe bo matutino TREMPAN na Hulanda, Godfried Adems, a informa con e situacion ta actualmente na Hulanda, unda cu den cierto partinan di Amsterdam, por ehempel, por a mira cu enberdad e centronan comercial tabata cera.
Pero e tiendanan esencial, manera gobierno a yam’e, manera ta e caso di botica/drugstore, si tabata hopi druk. Ta den siman di Pasco y tur hende ta cumprando lo necesario.
Pa un relato mas amplio, lesa TREMPAN.
