fbpx
May 24, 2022

Minister Glenbert Croes ta core pa contesta pregunta di Fraccion MAS

Share on facebook
Share on Facebook
Share on whatsapp
Share on Whatsapp
0
0
Minister Glenbert Croes ta core pa contesta pregunta di Fraccion MAS
Minister Glenbert Croes ta core pa contesta pregunta di Fraccion MAS


Aña pasa parlamentario di MAS Aquannette Gunn a haci algun pregunta na minister Glenbert Croes, pero no a ricibi ningun contesta. Su preguntanan tabata a base dje asunto di FASE y e programa Aruba Kier Traha.

E mandatario ta tardando pa duna un contesta riba e preguntanan manda. Parlamentario Gunn ta haya e desaroyo aki uno falta di transparencia. E gabinete aki ta papia di transparencia, nan ta indica cu esey tin un prioridad halto riba punto di gobernacion. Gunn a entrega e lista di pregunta dia 18 di november, caminda e topico tabata FASE cu a keda culmina y tambe dje departamento Aruba Kier Traha. Tambe e recorte di 12.6% y te dia di awe e parlamentario no a ricibi un contesta dje minister di Integracion, Labor y Energia, Glenbert Croes.

E ta haya esaki como falta di respet pa parlamento, pasobra esey ta pregunta cu nan ta haya di pueblo. Como representante di pueblo, nan ta haci esey durante un reunion of por escrito. Ta spera di hay’e bek por escrito for dje mandatarionan. Dia 9 di december, despues cu mas di dos siman a pasa y no a haya un contesta, e parlamentario a manda un recordatorio n’e mandatario. Pero awe, 10 di januari, Gunn a dicidi di mand’e un di dos recordatorio, ya cu no a haya contesta riba e 31 preguntanan.

Pa un cobertura mas amplio lesa e edicion di TREMPAN di mañan.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.