fbpx
May 28, 2022

AF&BA: Nos industria cu situacion severo di AO

Share on facebook
Share on Facebook
Share on whatsapp
Share on Whatsapp
0
0
AF&BA: Nos industria cu situacion severo di AO
AF&BA: Nos industria cu situacion severo di AO


Recientemente AFBA a tene un encuesta entre su miembronan pa por establece con nan ta experienciando e ola di contagio di Omicron. For di e encuesta nos por conclui cu e situation di AO ta esun di mas grave cu a yega di experiencia, cu un resultado di 65% di su miembronan tin 15-30% di su empleadonan no por presente na trabow paso nan ta AO. Tin sierto establesimientonan cu te asta 50% di su empleadonan ta AO. Esaki ta pone companianan den nos industria, cu ta depende netamente di su empleadonan pa por brinda un bon servicio, den un situacion alarmante si ta sigui agrega un cantidad grandi di caso nan positivo mas un cantidad significante di persona den cuarentena.

Desde 30 di december 2021 e maneho di isolacion y cuarentena a wordo reduci na 5 dia, y tambe cuarentena pa esnan vacuna a wordo re-introduci. Sinembargo, e numbernan di casonan positivo di COVID a bira asina hopi cu te hasta SVB su director a anuncia publicamente cu a drenta record di AO ariba un solo dia. Esaki pa nos industria, cu ta depende di trahadornan pa por brinda servicio, tawata devastador.

AFBA a aserca Gobierno di Aruba y Crisis Team pa splica nos preocupacion y tambe a presenta algun sugerencia. Ta di remarka, cu nos carta a wordo bon ricbi y dibiaha a hanja comprension pa e situacion delicado. No solamente pa nos industria, pero locual esaki ta nifica pa nos entrada principal, e calidad di product Aruba. DVG a communica dia 7 di January, 2022 cu si bo ta vacuna cu booster, bo no mester bai den cuarentena y si bo tawata den contacto cu un persona positivo (y no tin symptoma) y tambe si bo a haya Covid den ultimo 4 simannan, bo no mester bai den cuarentena. E cambio den maneho ta trece cune un aire di alivio, paso asina tin un grupo di trahadornan cu ta na cas (sin symptoma) por a regresa na pia di trabow. Esaki, den combinacion cu e cantidad di casonan active bahando, ta trece un mehoracion den e situacion delicado cu nos industria ta aden. Adicionalmente, nos a wordo informa cu e booster shots lo ta disponibel pa adultonan 30+ awe, esaki sigur lo yuda baha e cantidad grandi di trahadornan cu ta AO door di ta den cuarentena.

Ta di sumo importancia pa nos di Aruba Food & Beverage Association pa por tin un communicacion habri y cu Gobierno y Crisis Team pa compronde e urgencia cu tur establesimiento ta pasando. Nos tin un caminda largo pa cana pa recuperacion di nos indutria, y ta agredecido pa e dialogo habri cu ta existi entre nos association, Gobierno di Aruba, y Crisis Team.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.