fbpx
May 24, 2022

RAIZ preocupa cu tarifa di awa y coriente

Share on facebook
Share on Facebook
Share on whatsapp
Share on Whatsapp
0
0
RAIZ preocupa cu tarifa di awa y coriente
RAIZ preocupa cu tarifa di awa y coriente


Diamars parlamento a haya un recorrido  den WEB Aruba NV, cu a conta cu participacion di e fraccionnan di RAIZ y di MEP. 

Fraccion di RAIZ a bin pa nan haya mas informacion riba e contract cu Eagle LNG, cual te ainda nan no a hay’e ‘ter inzage’. Parlamentario di RAIZ, mr. Raymond Kamperveen, a indica cu gobierno no a haya e contract ainda pa mira.

Pero nan a realisa cu tin cierto cosnan cu mester di cambio, vooral loke ta trata ley. Si e ley di awa of coriente, dus electricidad, ta cosnan cu mester papia di dje. Tambe wak con por yuda WEB NV pa por yega na tereno, si tene na cuenta cu ROPV cu por bin cu mas molina di biento. 

Di splicacion cu nan a haya, por a compronde cu tin flexibilidad den e contracto cu nan por bin cu mas proyecto pa yuda WEB pa sigui mitiga y mantene e prijs di awa y coriente pa algo stabil pa pueblo di Aruba. 

Misha Raymond, di fraccion di RAIZ, a indica cu nan a haya un proceso ful detaya, cual e no a spera. Nan a haya henter e proceso di con a involucra LNG den e loke ta e gas natural cu lo introduci. E ta un proyecto grandi, pero pa WEB cu cada 4 aña cu tin cambio den gobierno, ta trece hopi instablidad den e plannan cu nan tin, pa ta sostenibel. Esaki ta algo sigur pa pensa riba dje, si kier yega un caminda den cierto tempo, mester sigura cu e plannan tambe ta sostenibel.

Pa un relato mas amplio, lesa TREMPAN.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.