fbpx
October 01, 2022

Supuesto testigo di asesinato a admiti cu el a inventa su storia

Share on Facebook
Share on Whatsapp
0
0
Supuesto testigo di asesinato a admiti cu el a inventa su storia
Supuesto testigo di asesinato a admiti cu el a inventa su storia


Polis ta investigando morto di Luis Angel Figueroa Flores di 20 aña di edad, cu riba 17 october ultimo a cay desde piso mas halto di Paseo Herencia. E investigacion aki no ta cla ainda y no a detene ningun sospechoso. Generalmente, Ministerio Publico no sa bisa nada den casonan asina unda no tin un sospechoso deteni ainda. 

Pero den e caso aki ta otro, mirando cu e team investigativo a bin ripara cu riba social media tin hopi informacion y noticianan incorecto circulando tocante e caso. E informacionnan y noticianan aki, cu ta wordo presenta como berdadero, en realidad ta resulta di no ta berdad. 

Por ehempel, tin un persona cu a publica un video tocante e supuesto hechonan rond di morto di Figueroa y cu despues a wordo yama pa polis y scucha como testigo, unda el a bin na admiti cu ta inventa el a inventa tur esaki. Mester ta cla na un y tur cu esaki ta costa hopi capacidad di polis y ta bay a costo di e adelanto y conclusion di e investigacion. Ademas e rumornan y noticianan falso aki riba social media ta causa mas dolor ainda cerca famia di e difunto.   

Polis ta spera di completa e investigacion medio maart, mientrastanto lo informa e famia tocante e resultado, despues di cual decisionnan nan por tuma. Ta haci un yamada na testigonan cu ainda no a bin dilanti, pa meld nan mes na Recherche di Noord of tuma contacto cu tiplijn na telefon 11141. 

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.