fbpx
May 24, 2022

A pidi cuater aña di prizon pa coach cu a mishi cu mucha homber

Share on facebook
Share on Facebook
Share on whatsapp
Share on Whatsapp
0
0
A pidi cuater aña di prizon pa coach cu a mishi cu mucha homber
A pidi cuater aña di prizon pa coach cu a mishi cu mucha homber


Dia 4 di februari 2022, Corte lo dicta sentencia den e caso penal contra Franklin Priest. Un líder deportivo y consehero di un iglesia cristian acusa di a comete acto di inmoralidad cu un mucha homber cu a caba di cumpli 15 aña. E hecho a tuma luga riba 31 di mei 2021 y a detene e homber sospechoso dos luna despues.

Tempo e hecho a sosode, e mucha homber cu ta acus’e di a mishi cu ne a caba di cumpli 15 aña. E hoben tabata asisti na e mesun Iglesia Cristian cu Priest.

A descubri e hecho aki e mesun dia cu el a sosode, esta ora cu Priest a bay na cas di e hoben menor di edad pa, e ta bisa, papia cu ne. Pero e hoben ta bisa cu ta otro cos a sosode den e camber unda cu e adulto a saca su parti intimo y hinc’e den su boca. El a keda 4 minuut so ariba, segun imagennan di video di e camara na e cas. E hoben a bisa cu e homber no a logra penetr’e y nan a bay den auto, unda no a logra tampoco. Net su omo a yega cas y e mester a core drenta paden.

Cuatro aña pidi pa lider deportivo den caso di pedofiel

Posted by 24ora on Friday, January 14, 2022

E omo cu a mira su sobrino den auto cu un homber adulto y cu despues a drenta paden tur agita, soda y na short solamente a bati alarma cerca su mama, esta wela di e menor. Ora cu a papia cu e hoben, a saca afo loke cu a pasa y dicidi di haci un denuncia mesora.

E acusado Priest ta nenga y ta bisa cu el a bay pa brinda ayudo na e hoben cu tabatin tendencia di suicidio. Algo cu fiscal no a kere pa motibo cu nan ta kere cu e ora e mester a papia tambe cu e wela y e omo cu a yega cas un poco prome cu mey anochi dia 31.

Fiscal a pidi 4 aña di cual 6 luna ta condicional y 3 aña di prueba. A pidi pa e sigui bou guia di Reclassering y kit’e for di su funcion como ambtenaar di Bureau Leerplicht.

Dia 4 di februari lo tin sentencia den e caso aki. Pa e relato completo, lesa TREMPAN.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.