Recientemente, e hoben Zoe Boekhoudt a saca un cancion dedica na promocion di su isla natal, Aruba.
Aruba Treasure ta un cancion dedicia na e isla bunita Aruba, promoviendo nos beachnan y su luganan historico. Aruba tin asina tanto pa ofrece, cu tin biaha nos ta lubida kico tur Aruba tin di ofrece y ta asumi cu e ta asina. Nos no mester asumi nada. Aruba ta di nos tur y nos mester cuid’e,
Aruba’s Treasure ta un cancion cu tanto local como nos bishitantenan lo sa di disfruta di dje, c’un ritmo afro unico combina c’un tiki di soca. Un cancion Caribense cu siguramente lo ponebo janga bo curpa y baila, non stop sin stop.
Un cancion produci pa Jamz Caribbean cu letra di Xemio Jacobs y Vale Boekhoudt. Areglo tabata den man di Xemio Jacobs. Remix di e cancion bunita aki ta den man di Dimitri Frans 4 All Records Aruba. Coro tabata den man Xemio Jacobs, potret den man di Vale Boekhoudt. Produccion di video tabata na encargo di Serge Gregory.
