fbpx
October 02, 2022

Colegio EPI a bay Hulanda pa fortifica proceso di renobacion di curiculo

Share on Facebook
Share on Whatsapp
+1
0
Colegio EPI a bay Hulanda pa fortifica proceso di renobacion di curiculo
Colegio EPI a bay Hulanda pa fortifica proceso di renobacion di curiculo


Ayera tardi ekipo di maneho di Colegio EPI conhuntamente cu un grupo di docente a sali rumbo pa Hulanda. Segun un publicacion riba e pagina di Facebook di EPI, esaki lo ta den conexion cu e renobacion di e curiculo di Colegio EPI. Meta di e bishita ta pa fortifica e trabou conhunto cu diferente ROCs na Hulanda. Den e bishitanan cu lo bay realisa n’e scolnan aki lo percura pa un intercambio extenso di idea basa riba e dunamento di les bou di e structura di HKS (Herziene Kwalificatie Structuur).

Di parti di Colegio EPI mes a manda palabra di exito pa henter e ekipo y cu esaki culmina den un biahe y cooperacion fructifero.

Share on Facebook
Share on Whatsapp
+1
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.