fbpx
October 01, 2022

Moral di polis abou: Beneficio di duda pa altocomisario Hulandes

Share on Facebook
Share on Whatsapp
0
0
Moral di Polis abou: Beneficio di duda pa altocomisario Hulandes
Moral di Polis abou: Beneficio di duda pa altocomisario Hulandes


Recientemente Minister di Husticia, Rocco Tjon a anuncia cu pronto Cuerpo Policial Arubano lo haya un altocomisario nobo. 

Pa loke ta e altocomisario nobo, den persona di Ramon Arnhem, Presidente di Sindicato di Polis, Rodney Solognier a indica cu ta un lastima cu no tabata tin un persona local cu por a ocupa e puesto aki. 

E por a compronde cu director actual di KIA, Gino Winklaar no a wordo acepta pa e puesto y tampoco Trudy Hassel. E ta spera si cu cualkier cambio cu bin, pa e ta un cambio pa miho. 

Ta spera cu e altocomisario nobo, cu lo mester yega Aruba sea na augustus of september, por hiba e Cuerpo Policial den ful un otro direccion. E situacion den cual Aruba ta actualmente no por sigui. Si Aruba sigui den e direccion cu e ta bayendo actualmente, e moral den Cuerpo Policial, cu ta abou caba, lo bay mas y mas abou. 

Sindicato di Polis ta keda sceptico, Solognier a indica. Altocomisario nobo tin un bunita CV, pero Aruba no mester hende di buki, pero un hende cu conoce caya. Un hende cu por lora manga y traha hunto cu e Cuerpo Policial. 

Moral di KPA ta hopi abou, den hopi aspecto mes. Nan mester di algo sigur cu lo por hisa esaki bek.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.