Diasabra marduga, alrededor di 12:45 am, un dama chauffeur a sali for di cas den pura direccion pa un supermercado p’e cumpra un pak’i sigaria prome e cera. Na caminda, den e bocht skerpi na Catiri, el a topa un auto cara cara den su band’i caminda.
Pa e no dal frontal contra e auto, el a hala, perde control y bay pega riba un pida baranca. E auto no a ricibi mucho daño. Na yegada di polis, a nota cu e actitud di e chauffeur tabata un poco straño.
Pa siguridad, a haci un test di alcohol cu ne. El a surpasa e limit permiti. Polis a splic’e riba su derechonan y a hib’e pa warda di polis caminda a present’e dilant’i un subfiscal. A notifica su famia p’asina atende cu seguro y takelwagen. E auto tabata un Honda Civic colo blanco estilo RHD.
