fbpx
June 30, 2022

Miss Teen Aruba International ta cla pa su temporada 2022

Share on facebook
Share on Facebook
Share on whatsapp
Share on Whatsapp
0
0
Miss Teen Aruba International ta cla pa su temporada 2022
Miss Teen Aruba International ta cla pa su temporada 2022


GLW Foundation ta den pleno preparacion pa Miss Teen Aruba International 2022. E aña aki celebrando 13 aña di eleccion unda cu durante aña Miss Teen Aruba International a sa di demostra cu e comiscion ta traha den e mihor formacion di e candidatanan y e logronan durante e utimo 15 aña aki cu George Winterdaal como presidente pa e prueba di e trabou cu e candidatanan.

Pais unda e candidatanan a bay ta Republica Domincana, Panama, El Salvador, Bahamas, Guatemala, Costa Rica, Nicaragua, Honduras, Bulgaria y mas. Desde cu George a tuma e presidencia di Miss Teen Aruba y despues Miss Teen Aruba International a usa e lema “Algo mas cu un certamen di beyeza” y tur aña ta organiza diferente proyecto. GLW Foundation ta haci e.o Cupcake di Speranza, Un man pa nos ruman, Feed the Kids y tambe un sin fin di actividad caritativo cu e candidatanan. E commission organisado ta sigur di prepara e candidata cu tur ekipo necesario pa asina por yude den su desaroyo pa futuro.

Bo tambe kier participa ? Wel ta masha facil?

E aña aki GLW Foundation a haci algun cambio masha interesante. Nos a amplia e categorianan y awor ta duna mas hoben e chens pa por participa.

Lo tin categoria Petite ( MISS TEEN PETITE ARUBA INTL ) esaki pa e hobennan di estatura abou te cu maximo 1.63 cm
Lo tin categoria Regular ( MISS TEEN ARUBA INTERNATIONAL ) esaki pa e hobennan di estatura riba 1.63 cm
Lo tin categoria Plus ( MISS TEEN ARUBA GLORIOUS INTL ) esaki pa e hobennan cu tin curva ( estatura no ta importante )
Bo tin e edad di 15 pa 19 aña? Bo tin gana di biba un experencia unico? Bo kier representa Aruba na nivel international?
Wel esaki ta bo chens pa participa.

Gastonan ?

Hopi biaha e preocupacion di Mayornan ta e gastonan halto cu no nesesariamente ta asina, mirando e situacion, comishon organisador mes ta cubri basta cos di e candidata, basicamente e unico gasto ta e trahe di gala cu no nesesariamente mester ta un shimis demasiado costoso paso e trahe no ta saka e candidata. E candidatanan lo ricibi di e commission organisador differente Polo Shirts di Miss Teen Aruba International cual ta ser usa pa e diferente actividadnan. Tambe ta importante pa menciona cu pa anochi final no lo tin Trahe de Baño pero Trahe Deportivo cual tambe e candidata ta ricibi esaki di e comishon organsidor, ademas e candidata ta ricibi su sapato.

Si cualkier mayor ta desea mas informacion por yama libremente George Winterdaal na 5616151 y asina por ricibi tur informacion y detaye. Final di Miss Teen Aruba International lo tuma lugar diadomingo 17 di July den Cas di Cultura. Ultimo dia pa Inscribi lo ta diasabra 30 di April.
Lo tin un meeting cu mayornan y candidatanan y Presentacion pa Prensa ta 14 di Mei 2022.

GLW Foundation a prepara un agenda di actividadnan creativo, social y educativo masha great mes cu hopi eventonan unda nan lo siña hopi pero tambe lo have fun y disfruta di e temporada 2022.

Nos ta desea GLW Foundation tur clase di exito pa e temporada nobo di Miss Teen Aruba International.
Bo ta desea di representa Aruba na nivel international, no duda mas y yama awe mes pa mas informacion na 5616151.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.