fbpx
July 05, 2022

Bucuti & Tara Beach Resort ta triunfa den e top Tripadvisor® Global Awards

Share on facebook
Share on Facebook
Share on whatsapp
Share on Whatsapp
0
0
Bucuti & Tara Beach Resort scogi entre e miho hotelnan mas romantico di mundo
Bucuti & Tara Beach Resort scogi entre e miho hotelnan mas romantico di mundo


Tripadvisor®, e mayor plataforma di biahe na mundo, a anuncia e ganadonan di nan Travelers’ Choice® Awards pa e hotelnan. Aruba su hotel di mas premia, Bucuti & Tara, a wordo nombra entre Top 25 Miho Hotelnan na Mundo y e Top 5 Hotelnan di Mas Romantico na Mundo.

E aña aki, pa prome biaha nan a wordo nombra entre e Top 20 Hotelnan riba Awa na Mundo. Ademas, pa di shete aña consecutivo Bucuti & Tara Beach Resort a wordo nombra e No. 1 Hotel di mas Romantico den Caribe y No. 2 Miho Hotel den Caribe.

Awo, den su di binti aña, Tripadvisor’s Travelers’ Choice Best of the Best Awards ta wordo determina a base di e calidad y cantidad di reseña cu biaheronan a laga pa cada subcategoria durante 2021 riba Tripadvisor. Cu mas di un biyon di reseña, comentario y opinion di biaheronan di tur parti di mundo, Tripadvisor ta un fuente sumamente importante pa turistanan internacionlmente. E ganadonan di e Best of the Best Awards ta representa menos di 1% di tur negoshi publica riba Tripadvisor.

“E ta un increibel honor pa e wordo premia den cinco categoria di Tripadvisor entre miyones di hotel y mas di un biyon di reseña. Nos tur kinan na Bucuti & Tara Beach Resort ta humildemente honra y feliz,” Ewald Biemans, Doño/CEO di Bucuti & Tara Beach Resort ta conta. “Romanticismo, wellness y cuido pa medio ambiente ta e pilarnan di Bucuti & Tara, y manera biaheronan a comparti riba Tripadvisor, nos tambe ta enfoca den brinda un experiencia superior y inolvidabel na nos huespednan. Masha danki na cada huesped cu a tuma nan tempo pa comparti un reseña honesto y tambe na cada trahado di Bucuti & Tara cu ta traha duro pa brinda un experiencia excelente.”

Reseñanan ta manera carta di amor di nos huespednan
Di e numeroso reseñanan di biaheronan cu a bishita Bucuti & Tara, Tripadvisor a destaca un comentario como un perfecto resumen di un experiencia di biahe na e resort: “E resort ta precioso, e servicio ta subliminal y e lama amplio cu santo blanco ta excepcional. E trahadonan a haci nos sinti special y consenti ful e siman cu nos a keda eynan.”

Bucuti & Tara ta un propiedad cu cinco-bubbles, locual ta e punto di mas halto cu por wordo obteni riba Tripadvisor. Cu 7,954 reseña, Biemans ta lesa y ta orguyosamente responde cada un di nan. E reseñanan tin dobel proposito. Na un nivel interno, e resort ta examina cada un di nan pa wak con nan por sigui mehora y pa reconoce trahadornan cu ta brinda servicio excelente. Biaheronan ta beneficia di e comentarionan di otro huespednan, cu den hopi caso a bishita Bucuti varios biaha caba, y por duna nan opinion honesto di nan experiencia di biahe.
“No ta importa ki tipo di biahe bo ta buscando, e Travelers’ Choice Awards – cu ganadonan di seis diferente continente y 90 pais – ta demostra e miho recomendacionnan di otro biaheronan,” Kanika Soni, Chief Commercial Officer, di Tripadvisor ta conta.
Pa haya sa mas, bishita www.bucuti.com.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.