fbpx
October 01, 2022

Entrante augustus lo introduci maneho nobo pa spearfishing

Share on Facebook
Share on Whatsapp
0
0
Entrante augustus lo introduci maneho nobo pa spearfishing
Entrante augustus lo introduci maneho nobo pa spearfishing


Gedoogbeschikkingnan exisistente ta extendi te cu 30 di juli 2022. Den cuadro di e maneho di speervissen (“spearfishing”) cual gedoogbeschikking nan ta caduca 26 di mei 2022, Minister di Naturalesa, Ursell Arends, ta anuncia e decision pa reanuda preparacion pa regula spearfishing por medio di permiso (vergunningstelsel).

Lo introduci un maneho nobo entrante 1 di augustus 2022. Den e temporada aki e gedoogbeschikkingnan existente te keda vigente te cu 30 di juli 2022. 

E temporada aki ta brinda espacio pa presenta e concepto di maneho nobo  na tur stakeholders (profesional-, autoridad-, piscado- y ambientalistanan) pa dialoga, conforme palabracionnan haci cu nan. Cu consideracion di varios conseho lo propone condicionnan adicional compara cu e concepto previo pa un vergunningstelsel. Mientrastanto lo introduci condicionnan adicional riba gedoogbeschikkingen existente.  

Basa riba combersacion amplio cu stakeholders y tumando den consideracion rapport, tratado y conseho ta yega na e conclusion cu base amplio cu speervissen (“spearfishing”) ta un di e formanan mas sostenibel di pesca semper y cuando esaki ta bon regula y controla.

E concepto pa un maneho nobo di regulacion ta encera (entre otro) cu mientras ta prepara un sistema legal di permiso, lo introduci condicion adicional pa gedoogbeschikkingen. Tur piscado cu un gedoogbeschikking lo haya informacion na un tempo rasonabel pa cumpli cu condicionnan adicional y proceso nobo di peticion pa vergunning. Condiccionnan nobo cu lo ser inclui den e gedoogbeschikking lo sirbi metanan manera entre otro: 1) evita destruccion di coral 2) proteccion contra sobre pesca (“over fishing”) 3) proteha bestianan protegi (“endangered species”) especialmente den temporada di reproduccion 4) reduci impacto negativo riba eco-sistema marino 5) combati especienan invasivo 6) promove cumplimento cu regla 7) permiti accesibilidad pa control y 8 ) collecion di datos.

Cu e maneho nobo por laga spearfishing tuma luga na un forma controla y tambe mas sostenibel posibel. Alabes ta aplica e punto di salida cu maneho ta ser haci den forma transparente, den dialogo cu diferente partnernan, y semper cu bienestar general den mente y cu bista riba sostenibilad como base principal.

Mas detaye y e maneho den su totalidad lo ser presenta na comunidad na su debido tempo. 

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.