fbpx
August 13, 2022

Tur cos ta cla p’e “A Night of Glamour” di Kiwanis

Share on facebook
Share on Facebook
Share on whatsapp
Share on Whatsapp
0
0
Tur cos ta cla p’e “A Night of Glamour” di Kiwanis
Tur cos ta cla p’e “A Night of Glamour” di Kiwanis


Despues cu na 2019 tabata tin e ultimo evento magnifico, Kiwanis Club of Young Professionals Aruba (KYPA) ta bek cu nan gran fiesta di tur aña.

Esaki ta e evento anual di e “A Night of Glamour” y cu como tema e aña aki di ‘Summer Soirée’. E evento aki ta un di e fiestanan pa recauda fonodo mas grandi pa e aña, cu e fondonan aki ta cubri e otro proyectonan cu ta sigui den e resto di aña manera Big Brother, Big Sister, ‘Placa Chikito’ y Christmas-In-A-Box entre otro.

E gran fiesta aki pa recauda fondo e aña aki lo tuma luga dia 4 di juni proximo riba Plaza Daniel Leo na Hoya. Manera ta custumber e fiesta lo conta cu tremendo ambiente musical, e aña aki presenta pa Robert y su Solo Banda y tambe Tsunami. Den aire liber bo tambe lo por gosa hunto cu nos di un tremendo anochi cu lo cuminsa pa 7:00 y ta sigui te mey anochi, acompaña pa un tremendo open bar henter anochi presenta pa Hoya hunto cu dushi hors d’oeuvres henter anochi. Pa bo tambe por gosa di e fiesta exepcional aki y alabes contribui na nos comunidad bo contribucion pa entrada ta 175 florin.

Carchinan ta obtenibel na tur miembro di KYPA, na Hoya y tambe bo por haci uso di Pay.Aw pa cumpra bo entrada.

Companianan local tambe por contribui y ta parti di e gran evento fenomenal aki. Pa compania tin paketenan special, tin tres diferent cu nan por soge for di dje cu ta e Bronze, Silver y Gold Package. Di e forma aki companianan cu cumpra un pakete por disfruta di un bon ambiente na fiesta y contribui na nos comunidad na mes momento. Pa mas informacion di esaki por tuma contacto cu cualkier miembro di KYPA y forma parti di e gran evento A Night of Glamour “Summer Soiree”.

Otro siman tin A Night of Glamour Summer Soirée di Kiwanis Club of Young Professionals

Otro siman tin A Night of Glamour Summer Soirée di Kiwanis Club of Young Professionals

Posted by 24ora on Wednesday, May 25, 2022

Asina wak pa bo no keda afo di e Summer Soiree ‘A Night Of Glamour’ cu ta tuma luga dia 4 di juni cuminsando pa 7or di anochi na Plaza Daniel Leo, bo contribucion di 175 florin lo bay bek den projectonan cu KYPA ta presenta pa nos comunidad.. Nos ta warda bo bin gosa cu nos. Busca bo carchi serca miembronan di KYPA, Hoya of via di Pay.Aw

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.