fbpx
October 01, 2022

Aquannette Gunn: Ni Fu, Ni Fa di gobierno pa suavisa aumento di prijs di gasolin

Share on Facebook
Share on Whatsapp
0
0
Aquannette Gunn: Ni Fu, Ni Fa di gobierno pa suavisa aumento di prijs di gasolin
Aquannette Gunn: Ni Fu, Ni Fa di gobierno pa suavisa aumento di prijs di gasolin


E luna aki prijs di gasolin a conoce un biaha mas un aumento substancial. Cada ciudadano ta pagando tres florin cu bintiun cen pa liter di gasolin. Ta haci pregunta na minister, pero no ta haya un contesta.

Dia 6 di juli ultimo parlamentario di MAS, Aquannette Gunn, a dirigi su mes shete pregunta na minister Geoffrey Wever. Pero te e fecha di awe su persona tampoco a ricibi un contesta riba su preguntanan. E parlamentario a expresa di haya esaki negligencia, pasobra practicamente pueblo no ta sinti e comprension y e parti cu gobierno ta haci su maximo esfuerso pa trece un alivio bou dje pueblo. Pues e pueblo ta pasando den situacion hopi dificil.

Manera tur hende sa, unabes ta papia aumento di prijs di gasolin, esaki ta algo circular. MAS ta haya cu esaki ta refleha bek den comercio, caminda cu na final di dia e ciudadano su forsa di compra ta keda minimalisa. Kiermen e tin menos poder di compra. Den esaki y mas ainda considerando cu e minister a indica di premira cu pa loke ta trata 13 di juli, prijs lo conoce un aumento un bes mas. Te cu awo ni fu ni fa di parti gobierno.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.