fbpx
August 10, 2022

Burachi: Abogado y su amiga deteni despues di accidenta

Share on facebook
Share on Facebook
Share on whatsapp
Share on Whatsapp
0
0
Burachi: Abogado y su amiga deteni despues di accidenta
Burachi: Abogado y su amiga deteni despues di accidenta


Diasabra marduga alrededor di 12:50 am polis a presenta den Caya Frere Alexius p’un accidente. Bisiñanan a bati alarma p’un zonido fuerte pafo di nan cas. Na yegada di polis a topa cu dos hende muhe para pafo di un auto marca Subaro. Na prome instante nan a bisa polis cu ta e tairanan di auto a rementa.

Polis a nota cu e situacion ta masha debi cu na e bumper dilanti tabatin rasca fresco. Ora a check bon, a topa cu un cura di cas cu daño, cu ta cuadra cu e daño na e auto, pues a dal contra di un cura di cas. Na prome instante e amiganan a acorda y bisa polis ken tabata stuur. Mirando cu ambos tabata betra, polis a bay over pa haci un test di alcohol cu e chauffeur. Diripiente version a cambia y e supuesto chauffeur a bisa cu ta e otro amiga ta e chauffeur. Pues un gañamento y puntament’i dede riba otro.

Burachi: Abogado y su amiga deteni despues di accidenta den Caya Frere Alexius

Posted by 24ora on Friday, June 24, 2022

Mirando e situacion, polis a detene ambos y transporta nan pa ward’i polis. Un di e amiganan tabata basta critico cu polis. El a bisa un di e agentenan cu e ta un abogado na Colombia y cu e trato no ta na su luga. No obstante su supuesto funcion, a hib’e pa warda pa present’e dilanti un subfiscal. Takelwagen a bay cu e auto mirando cu e no tin ningun documento valido.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.