fbpx
October 01, 2022

Diasabra awo lo celebra Aruba Pride 2022 cu hopi atraccion

Share on Facebook
Share on Whatsapp
0
0
Diasabra awo lo celebra Aruba Pride 2022 cu hopi atraccion
Diasabra awo lo celebra Aruba Pride 2022 cu hopi atraccion


Diasabra awor dia 2 di juli na Hoya Lush Café (Plaza Daniel Leo) lo tuma luga e final di e celebracion di luna di orguyo (Pride Month). Esaki lo ta un cu un fiesta grandi cu diferente atraccion. Lo tin un gran cantidad di dj y tambe presentacion live di diferente Drag Queens. Ademas lo tin varios cantante cu tambe lo duna nan presentacion. Banda di celebracion ta importante tambe pa enfoca riba e conscientisacion riba e anochi aki. Lo tin diferente discurso di organisacion LGBTQIA+.

Algun artista y djs cu lo ta riba e escenario ta DJ Solar Plexus, Dj Vibes, Steffie, Milan y pa culmina e anochi Dj Camila Gil. Tambe algun di e drag shows lo ta di The Giandiva, Tazha G y hopi mas. E famoso presentado Cassia Kattah lo anima e anochi. E anochi aki ta uno perfecto pa celebra orguyo y diversidad. E evento lo cuminsa 7:00 di anochi. Pa carchi por yama 7430697 of por cumpr’e na porta tambe.

Aruba Pride tin e sosten di Aruba Gay Guide cu a organisa e prome evento di Pride na Aruba na aña 2021 como un iniciativa pa promove visibilidad y tambe pa duna e comunidad LGBTQIA+ di Aruba y su bishitantenan un espacio sigur unda por celebra Orguyo y Diversidad.
Aruba Pride 2021 tabata un exito y e aña aki e Aruba Pride 2022 lo duna un show mas grandi.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.