fbpx
October 01, 2022

Wever-Croes: No tin motibo pa panico pa mal tempo na caminda

Share on Facebook
Share on Whatsapp
0
0
Wever-Croes: No tin motibo pa panico pa mal tempo na caminda
Wever-Croes: No tin motibo pa panico pa mal tempo na caminda
Wever-Croes: No tin motibo pa panico pa mal tempo na caminda
Posted on 06/27/2022 10:02 pm AST | Updated on 06/27/2022 10:06 pm AST

ORANJESTAD – Gobierno di Aruba dialuna anochi a tene un conferencia di prensa di ultimo ora riba e tema di e disturbio local na caminda pa islanan ABC, cu e meta principal pa bisa cu ‘no tin motibo pa panico’. Asina prome minister Evelyn Wever Croes a bisa durante e conferencia. Hopi informacion nobo no a duna, sino mas bien cu por spera mas informenan mas frecuente cuminsando diamars, ora cu cuminsa spera mas informacion for di National Hurricane Center cu ta e autoridad riba e tereno aki. E mandatario a confirma tambe cu nan ta basa nan mes riba e instancia Mericano aki. 

PREPARACION

E mandatario a confirma cu ta spera mal tempo ya for di 8’or di anochi diaranson, y cu for di awe caba por cuminsa spera awa sporadico. Tambe e mandatario a bisa cu por spera hopi awacero y esaki por dura te hasta te diabierna. Loke ta preocupa ta e posibel erosion di beach mirando cu e tormenta ta bin for di direccion di Venezuela.  A confirma cu DOW a ‘take care’ di e rooinan.

LUGARNAN CRUCIAL

Di parti di Rampenbureau, a confirma cu tin algun area cu ta conoci pa inundacion. Y e lugarnan aki ainda ta vigente y ta entre otro Madiki, arenan di Pos Chikito,  Palm Beach y Zeewijk. Esnan cu ta biba den e areanan aki, mester tene cuenta y usa casnan di nan famianan como shelter. 

CRITCA

E conferencia no tabata uno elabora y detaya, manera cu p.e. uno cu Corsou a duna algun ora prome, pero tabata mas bien pa trankilisa pueblo. A sigura cu entrante diamars, lo sigui mas conferencia di prensa unda cu lo keda duna tur informacion y detayes di preparacion pa cu mal tempo. Hopi a mustra cu lo tabata mas prudente duna tur informacion mesora pa asina por tin mas tempo pa prepara pa e mal tempo envez di warda un dia mas. 

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.