fbpx
October 01, 2022

Parlamento a ricibi presentacion di Rapport FASE

Share on Facebook
Share on Whatsapp
0
0
Parlamento a ricibi presentacion di Rapport FASE
Parlamento a ricibi presentacion di Rapport FASE


Na 2021, Algemene Rekenkamer Aruba a realisa un evaluacion basa riba su propio prestacion cu tabata segun Supreme Audit Institution (SAI) Performance Measurement Framework (PMF). Basa riba e resultado di e evaluacion interno aki y e acuerdonan aplicabel cu ta inclui den e Landenpakket Aruba, Algemene Rekenkamer Aruba a busca posibel sosten di Algemene Rekenkamer di Hulanda.

Den e contexto aki Algemene Rekenkamer di Hulanda ta actualmente na Aruba pa un bishita oficial, den forma di un mision exploratorio cu e obhetivo di formula un programa di sosten pa algun aña. E bishita aki ta tumando luga den e siman di 27 di juni pa 1 di juli 2022. Parti di e bishita aki ta inclui combersacionnan na nivel oficial cu stakeholders y un sesion di informacion tecnico na Parlamento di Aruba. E sesion aki a tuma luga awe mainta y a informa Parlamento tocante e investigacion di eficiencia y eficacia cu Algemene Rekenkamer a realisa referente e ayudo di emergencia FASE. 

A publica e rapport dia 5 di mei 2022 y a present’e awe mainta na Parlamento den presencia di Algemene Rekenkamer Hulanda y Curaçao. E secretaris di Algemene Rekenkamer Curaçao tambe ta na Aruba pa mira e posibilidadnan pa traha hunto cu e rekenkamernan den Caribe y Hulanda y fortalece e relacion. 

Den e sesion di awe mainta e introduccion y motibo di e rapport a wordo presenta door di e secretaris di Algemene Rekenkamer Aruba y unda cu despues e lider di e proyecto a presenta resultado di e investigacion. 

Na final  e voorzitter di Algemene Rekenkamer Aruba a presenta e recomendacionnan y despues tabatin posibilidad pa haci pregunta. Aki a haci bon uzo di e posibilidad. Algemene Rekenkamer por mira bek riba un mainta fructifero.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.