fbpx
August 13, 2022

Digicel ta laga bo bel: A reconecta tur celular

Share on facebook
Share on Facebook
Share on whatsapp
Share on Whatsapp
0
0
Digicel ta laga bo bel: A reconecta tur celular
Digicel ta laga bo bel: A reconecta tur celular


Cu menasa di tormenta tropical Bonnie pa Aruba durante di e proximo oranan, Digicel a reconecta tur cliente postpago cu anteriormente tabata desconecta pa motibo di factura atrasa of pago no ricibi. CEO di Digicel, Roeland van der Hoeven, ta urgi tur hende pa prepara y pa mantene nan famia salvo, bisando; “Nos preocupacion primario ta siguridad di e comunidad Arubano. Den e proximo oranan conectividad y comunicacion continuo ta esencial, ta p’esey mes nos a dicidi di reconecta tur cliente.” Digicel ta informa cu ta extende e fecha di pago te cu dialuna dia 4 di juli 2022. 

Digicel ta prepara pa e tormenta tropical

Tambe Digicel a activa su plan di contingencia pa sigura cu tur cos ta na lugar p’asina maneha e proximo dianan di e miho manera. Ta nos mision pa tene bo conecta tur caminda y na tur momento. Nos ta tuma e responsabilidad aki hopi na serio y a bin ta traha nonstop pa sigura cu tur cos ta na su luga.

Specificamente, Digicel a pasa door di su ‘check list’ y tur prueba a keda haci na satisfaccion. A haci mantenimiento na Digicel su infrastructura, tur generator ta na luga y nos team ta riba ‘stand-by’. Adicionalmente, Digicel a bin ta coordina cu diferente departamento den region conduciendo diferente briefing y manteniendo nos mes na altura di tur desaroyo. Nos team tecnico ta ‘on call’ y cla pa drenta accion si esaki ta nesesario. 

CEO di Digicel, Roeland van der Hoeven ta continua bisando: “Nos kier tuma e oportunidad aki pa corda tur hende pa tuma e pasonan nesesario pa mantene nan mes salvo y prepara pa e tormenta. Warda cuminda basico, sigura nan cas y e area rond di cas, recarga bo telefon celular di Digicel cu suficiente credito pa yamada di manera cu bo por mantene contacto cu bo sernan keri.”

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.