Marinier di Merca, procedente di “2d Reconnaissance Battalion”, cu ta parti di e “2d Marine Division”, ta na Aruba pa un training intensivo di duikmento. Esaki como parti di e programa “Caribbean Coastal Warrior 22”.
Hunto cu e personal di Marinierskazerne Savaneta, a intercambia idea, conocemento y experiencia durante e entrenamiento cu ta tuma luga tur aña atrobe.
Mester menciona cu regularmente Cuerpo di Marina di Merca ta bin Aruba pa entrena hunto cu nan coleganan di Aruba, probechando di e lama cu nos isla ta dispone di dje. Ta considera e programa di e aña aki como exitoso.
