fbpx
August 19, 2022

Shailiny Tromp-Lee (MEP): A reconoce tres instructor cu lo baha cu pensioen

Share on facebook
Share on Facebook
Share on whatsapp
Share on Whatsapp
0
0
Shailiny Tromp-Lee (MEP): A reconoce tres instructor cu lo baha cu pensioen
Shailiny Tromp-Lee (MEP): A reconoce tres instructor cu lo baha cu pensioen


Diamars dia 28 di juni 2022 mi a keda invita pa Landamento Escolar pa asisti na celebracion di un otro aña escolar exitoso y alabes pa un ocasion special caminda a rindi honor na tres instructor di landamento cu ta baha cu pensioen.  

Na inicio di e actividad, hunto cu Minister Endy Croes, mi tabatin e honor pa haci entrega di Diploma A of B na algun alumno cu a pasa nan examen di Landamento. Durante e mainta aki mi a experiencia hopi mucha contento y instructor satisfecho. Semper mi lo keda enfatisa e tremendo trabou di Landamento Escolar y nan aporte asina valioso y importante na formacion di nos muchanan. Caminda nan ta siña nan landa pa nan por defende nan mes den lama of pool. Algo sumamente importante mirando cu nos ta un isla. 

Despues di e parti aki nos tabatin e honor di duna reconocemento di aprecio na tres hubilario cu hunto ta celebra 81 aña den servicio di Gobierno di Aruba aportando na nos muchanan di Aruba y landamento escolar. Ta  trata di e siguiente instructornan:
𝗟𝗼𝘂𝗿𝗱𝗲𝘀 𝗖𝗿𝗼𝗲𝘀 (29 aña di servicio)
𝗖𝗼𝗿𝗻𝗲𝗹𝗶𝗮 𝗖𝗿𝗼𝗲𝘀 (27 aña) 𝘆 
𝗥𝗼𝘆 𝗥𝘂𝗴𝗲𝗯𝗿𝗲𝗴𝘁 (25 aña). 

Sigur mi a haci uzo di e oportunidad pa felicitanan y yama nan danki di curason pa nan dedicacion y profesionalismo como instructor di Landamento Escolar. Awor nan por bay disfruta di un pensioen bon mereci. 

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.