fbpx
August 13, 2022

Tin gasolin pero pomp ta cera aki rato pa 1:45pm

Share on facebook
Share on Facebook
Share on whatsapp
Share on Whatsapp
0
0
Tin gasolin pero pomp ta cera aki rato pa 1:45pm
Tin gasolin pero pomp ta cera aki rato pa 1:45pm


Humberto Acosta, Operations Manager na CITGO Boulevard y CITGO Esso Ville, a anuncia un rato pasa cu nan lo sigui habri te cu 1:45 pm awe merdia. Pa 2:00 pm e luganan mester ta completamente cera y trahadonan mester por a bay cas. Pero, e ehecutivo ta pidi clientenan pa tin pasenshi y no perde cabes. Desde ayera trahadonan na e pompstation ta topa cu cliente rabia, cu te hasta ta insulta nan debi na prijs halto y orario adapta.

A subraya cu no ta nan ta impone prijs di gasolin, sino gobierno. Tampoco nan no ta determina orario di operacion sino esey tambe ta gobierno. Y a avisa nan cu pa 2:00 pm nan mester cera. El a sigura cu tin suficiente gasolin pa tur hende pero pa 1:45 pm e mester cera e pompnan.

Mal tempo: Pompstations ta cera den algun ora

Mal tempo: Pompstations ta cera den algun ora

Posted by 24ora on Wednesday, June 29, 2022

E reto, segun Acosta, ta cu e clientenan ta ‘perde cabes’ y ta insulta e trahadonan comosifuera nan por yuda cu prijs ta halto y e orario ta adapta. Si tur cos bay bon, CITGO Boulevard y CITGO Esso Ville lo habri mañan mainta pa 7:00 am atrobe. A splica cu ta cera henter e operacion na e pompnan, pues e opcion pa yena tanki uzando carchi di banco, estilo self-service, tampoco lo ta posibel despues di 2:00 pm. Esaki como medida di precaucion, pa evita cu aparatonan lo por daña debi na awasero of biento duro.

Mientrastanto, na mayoria pomp di gasolin ta experenciando fila largo di automobilistanan cu kier yena nan tanki cu gasolin. Probablemente esey lo sigui te cu merdia ora cu tur pomp cera nan porta.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.