fbpx
August 13, 2022

Traha bo cas rib’e baranca cu ta Cristo Hesus

Share on facebook
Share on Facebook
Share on whatsapp
Share on Whatsapp
0
0
Traha bo cas rib’e baranca cu ta Cristo Hesus
Traha bo cas rib’e baranca cu ta Cristo Hesus


Tur cas por ta bunita grandi y luho, pero si e fundeshi no ta bon e cas ta debil, y e muraya ta scheur y kibra, pasobra e fundeshi ta e parti principal di e cas y ta riba dje tur cos ta wordo construi.

No ta importa con bunita bo dorna, e cas e ta cay den otro, door cu e fundeshi ta zwak e no por wanta e peso di e dak.

Hesus ta referi na nos bida , na e momento cu E a bisa den Lucas 6 vers 48:Ken cu bini serca Mi y tende Mi palabranan y haci nan e ta igual cu un homber cu a traha un cas , kende a coba hundo y pone un fundeshi s cas riba baranca. Y ora cu a bin un diluvio, e torente di awa a suta duro contra e cas ey y no por a sacudie pasobra e tabata bon traha.

Tene bon cuenta cu ora nos tende e palabra di Dios y nos no haci nada, nos lo suifr perdida ( Juan 3 :16+17+18) e enemigo a bin pa horta. mata y destrui, e no tin cuenta  sino simplemente e t’ey pa sembra maldad, inmoralidad y desorden den comunidad.

Ta mas cu dos mil aña pasa cu Hesus a spierta tur hende y awe nos ta mira esey, cu ora un persona su bida no ta den Su man, e no por wanta atake di e enemigo, pasobra e no ta ancra den Cristo, p’esey e atakenan di depresion, stress, ansiedad ta dal duro y ta causa problema di salud mental.

Nos mester di e defensa spiritual,mescos cu tur militar tin  un base, pa nos por haña forsa den momento dificil. Pero tur cos ta depende di nos mes, con profundo y  intimo nos relacion ta cu Dios .

Hesus ta bisa den Lucas 6: 48 cu nos mester coba hundo y pone un fundeshi riba e baranca, pasobra Hesus sa cu e atakenan di e enemigo riba bida di hende, no ta facil, pero ora nos Fe ta den Dios, y nos relacion ta firme cu Señor, nos lo tin paz aunke nos ta meymey di tormenta.

Wak cuanto hende ta busca refugio den alcohol y droga, bida di paranda, un bida di orguyo, y pretende cu no tin mester di Dios, un bida den cual nan sa masha bon cu nan ta for di boluntad di Dios,nan no kier acerca Su trono,  pero hende ta lubida.(Galationan capitulo 5: 19-21).

Pasobra caminda hancho ta wordo habri pa desvia hende, pero nos tin di corda cu ta e caminda smal  ta esun cu ta hiba na felicidad, y mas bo custumbra  den e caminda smal cu Cristo mas bon lo bo sinti bo mes.

Salmo 18:2 David ta bisa: Señor ta mi baranca y mi forti, y mi libertador,mi Dios mi baranca,den kende mi ta tuma refugio, mi escudo y e cachu di mi salbacion, mi toren halto.

Den Lucas capitulo 17: 1 Señor ta bisa su discipelnan; Ta inevitabel cu tentacionnan, lo bini , ma ay di esun pa medio di kende nan ta bini.

Nos ta bibando den tempo trabahoso, pasobra Dios a adverti nos den 2 Timoteo capitulo 3 versiculo 1-9: p’esey nos mester anda cu cuidao, pasobra e dianan ta dificil. Laga nos hancra nos fundeshi, hundo den e palabra di Dios asina por surpasa tur adversidad, pasobra si Dios ta cu nos, ken contra nos ?

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.