fbpx
October 02, 2022

Pride Talk cu empleadonan di Aruba Marriott

Share on Facebook
Share on Whatsapp
0
0
Pride Talk cu empleadonan di Aruba Marriott
Pride Talk cu empleadonan di Aruba Marriott


Den honor di Pride Month, compleho di Aruba Marriott a organisa un sesion educativo y interactivo di ‘Pride Talk’ pa nan asociadonan den Aruba Marriott su Amsterdam Ballroom. 

Orador special tabata Miguel Mansur, Erin Croes y Veer Alwani kende a ricibi invitacion pa asina comparti nan experencia personal di con nan a nabega nan trayectoria como un persona LGBTQ+ dentro di nos comunidad, cual sigur a conmove y inspira cada un asociado presente. Endy Croes tabata invitado special como maestro di ceremonia y sigur tambe a comparti informacion valioso a base di su experencianan personal. 

Marriott International ta promoviendo diversidad, igualdad y inclusion pa hopi tempo como parti di nan cultura di “We Put People First” y “We Serve Our World” y awo e compromiso ta mas fuerte cu nunca pa asina crea un medio ambiente inclusivo pa tur hende. Eventonan manera esaki ta celebra y mustra e apoyo na e comunidad di LGBTQ+ y alabes extende tur bishitante y asociado e comfortabilidad pa ta nan mes. 

Esaki no ta un excepcion pa e compleho di Aruba Marriott. Como parti di Marriott International, Aruba Marriott ta pone prioridad na e luna di Pride pa asina crea conscientisacion y amplia e sosten na e comunidad di LGBTQ+. Adicional, Aruba Marriott a ilumina e entrada di e hotel cu luz colorido representando e bandera di regenboog di Pride pa di cuater aña consecutivo, como tambe a organisa un evento special di Pride Night Brunch y a ofrece gelato decora cu e colornan di e regenboog na Gelato & Co., pa asina amplifica e apoyo na e comunidad LGBTQ+. 

Mas di Aruba Marriott:

Aruba Marriott Resort & Stellaris Casino a habri na aña 1995 cu 411 camber. Na aña 1999 a habri Ocean Club cu 311 camber y na aña 2004 a habri Surfclub cu 900 camber. Na tur, e famia di Marriott Aruba ta consisti di mas o menos 1200 empleado den servicio directo. E compleho di Marriott Aruba ta esun di mas grandi den henter Caribe, tanto den cantidad di camber como den cantidad di empleado

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.