fbpx
October 01, 2022

Abogado di Izak Principaal: No tabatin asesinato pero dood door schuld

Share on Facebook
Share on Whatsapp
0
0
Abogado di Izak Principaal: No tabatin asesinato pero dood door schuld
Abogado di Izak Principaal: No tabatin asesinato pero dood door schuld


Awe corte a trata e caso Sayuri Petronia. Na salida di corte, abogado di Izak Principaal, e sospechoso principal den e caso aki, a informa cu hues kier mira un otro rapport psikiatrico y esey ta pone cu na augustus e caso ta bin bek.

mr. ing. Albert Kock, abogado, a splica cu awe tabatin un decision, esta un tussen vonnis. Aki hues a bisa di ta haya cu e investigacion ta bastante, specialmente pa loke ta trata investigacion di psikiatra. Segun e abogado, hues kier mira un otro rapport di un otro psikiatra. Esey tabata e decision di hues y na augustus atrobe nan mester presenta na corte. Asina ey e hues por mira kico e otro psikiatra ta bay bisa.

mr. Ing. Kock no a premira algo asina y ta algo straño p’e como un sorpresa. Nan no por anticipa nada. Pa hues e rapport psikiatrico no ta completo y e kier mira un otro. E defensa di Principaal ta bay mira kico nan ta bay haya prome cu augustus. Loke tabata conta p’e sospechoso ta 11 aña TBS, pero awo e abogado mes no sa kico lo pasa pero tur cos ta depende ki ley ta bay aplica, esta ley di adulto of di hoben.

E abogado a indica dia cu e incidente a sosode, su cliente tabata hoben, esta 17 aña. Pero e ta completamente diferente ki ley ta aplica. Hopi ta bin dilanti den e caso di Sayuri Petronia, pero loke a pasa e anochi ey ta cu tres hende a bin hunto den e cas cu Principaal ta biba. E cas aki ta bashi y dilanti famia Petronia su cas. Segun mr. ing. Kock, Petronia a crusa caya pa bay cerca Principaal mientras e otro sospechoso tambe a presenta eynan. Pero esun cu a presenta cu e arma di candela tabata Celaire, pone riba mesa y di eynan Sayuri a hunga cu e arma. Despues tabata turno di Principaal y door cu pia di stoel a dobla, el a bay atras y tira accidentalmente.

Pa cobertura mas amplio lesa TREMPAN.COM.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.