fbpx
October 01, 2022

Tata ta decepciona den decision di hues: Sayuri merece husticia

Share on Facebook
Share on Whatsapp
0
0
Tata ta decepciona den decision di hues: Sayuri merece husticia
Tata ta decepciona den decision di hues: Sayuri merece husticia


E caso dje asesinato di e hoben Sayuri Petronia a sigui awe mainta y e resultado di esaki no a cay na agrado di e tata dje fayecido. Ta haya cu e decision di hues ta uno decepcionante y cu su yiu merece husticia.

Mike Petronia, tata di victima, a splica cu hues a indica cu e ta bay pidi un psikiatra di Corsou pa un rapport completo. E rapportnan no ta completo y esey ta motibo di pospone e caso pa otro luna. A traha un rapport riba e sospechoso cu a mata su yiu muhe, Sayuri Petronia, y esaki ta incompleto. A traha e rapport pero tin buraco y esey a pone cu ta bay pidi Corsou pa traha un otro. Biaha pasa no a bisa nada, pero cu awe ta bay dicta un sentencia, tabata palabranan di Petronia. Na momento cu nan a tende esey, a kere cu e rapport tabata completo y esey no tabata e caso.

E resultado di awe ta significa pa Petronia cu e mester sigui lucha. “Bo no por mata hende y kere cu bo ta get away asina”, el a expresa. Cos no ta asina, pasobra si a mata sin ningun motibo bo tin cu wordo castiga. Kico cu e rapport bisa, e mester haya un castigo. E ta para ariba cu e persona aki a mata su yiu muhe y e wel di tabatin diesshete aña, e por tabata menor di edad, pero tin un ley. Segun e tata, e ley ta bisa como menor di edad y a comete un acto asina, e persona ta castiga como hende grandi.

Pa cobertura mas amplio lesa TREMPAN.COM.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.