fbpx
December 06, 2022

Haguen Orman preparando pa competencia na Colombia

Share on Facebook
Share on Whatsapp
0
0
Haguen Orman preparando pa competencia na Colombia
Haguen Orman preparando pa competencia na Colombia


Despues di a sali sub campeon di e VI Valida di Rok Cup Colombia den luna di april, Haguen ta preparando su mes fuertemente pa e Pan Americano di dicho Campeonato cu lo tuma luga den december na Villavicencio Colombia. Como e unico piloto di karting Arubiano cu a sa di conkista un podium durante e temporada 2022 den e campeonato di nivel halto aki, Haguen su focus ta den prepara su mes fuertmente pa asina por sali Campeon Pan Americano y gana su ticket pa representa Aruba den e Mundial di RokCup. 

Durante e preparacion aki, Haguen lo mira accion den diferente campeonato di karts local como internacional. Haguen ta participando den e Campeonato di SWS SODI na Bushiri Karting unda e ta liderando e Campeonato na prome luga den e categoria Junior. Na banda di esaki Haguen a sa di conkista podium den e categoria Mini y Junior durante e Bushiri Nationals Championship 2022. Durante e luna di augustus Haguen lo representa Aruba un bes mas na Colombia pero e biaha aki den e Campeonato Rotax Max Challenge unda e lo debuta den e categoria Mini-Max compitiendo contra algun rival nan grandi y cu hopi experiencia.

E preparacion aki ta parti di e plan di desaroyo cu su team NRK Racing di Colombia y su Coach Jairo Garcia a traha specialmente pa Haguen. E plan ta consisti di train mas hopi posibel y core diferente campeonato cu diferente karts y motor den diferente categoria pa asina Haguen por ta mihor prepara pa cualkier desafio cu por presenta.

Haguen kier gradici su famia y sponsors pa e support!

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.