fbpx
October 02, 2022

Cruz Cora cu caminata colorido pa mucha

Share on Facebook
Share on Whatsapp
0
0
Cruz Cora cu caminata colorido pa mucha
Cruz Cora cu caminata colorido pa mucha


Cruz Cora ta organisando varios actividad ultimamente y dia 12 di augustus nan lo bay tin un otro actividad. E biaha aki den forma di un caminata.

Minerva Santana, Branch Manager di Cruz Cora na San Nicolas, a splica cu e caminata aki ta pa tur mucha fo’i 6 pa 17 aña pariba di brug. Pero si bo ta biba pabao, tambe ta invita y ta bonbini pa participa, yama ‘Thumbs Up Funwalk”.

Esaki tabata un idea den cuadro cu vakantie ta casi caba y scol ta bay cuminsa.

Ta un forma pa bin cu algo positivo p’e muchanan y cu un mensahe positivo pa nan habri nan aña escolar bon.

A bin cu e idea kico ta mas leuk p’e muchanan, cual ta color, awa y musica. A pensa riba un caminata (funwalk) cu ta invita p’e muchanan bin cu paña bieu, ya cu lo bay uza puiro di color. Ta bay uza awa tambe.

Cruz Cora ta invita pueblo pa bin cana pa un bon causa

Posted by 24ora on Friday, August 5, 2022

A pidi brandweer pa spuit awa, cual ta haci e actividad aki un morspot completo.

P’esey ta pidi p’e muchanan di 6 pa 12 aña cu ta bay participa den e caminata pa bin cu paña bieu y p’e mayornan prepara paña spare, pa ora nan drenta den auto nan por cambia.

E caminata mes ta sali fo’i Scol di Polis. Aki lo cana pa 2.5 kilometer y bay bek n’e branch di Cruz Cora situa den Lagoweg 36. E actividad aki ta completamente gratis.

Pa mas cobertura lesa TREMPAN.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.