fbpx
December 08, 2022

Ambiente grandi durante e prome anochi di pre-final di Caiso & Soca Monarch 

Share on Facebook
Share on Whatsapp
0
0
Ambiente grandi durante e prome anochi di pre-final di Caiso & Soca Monarch 
Ambiente grandi durante e prome anochi di pre-final di Caiso & Soca Monarch 


Despues di un ausencia di dos aña, Caiso & Soca Monarch ta bek, pero c’un cambio. Stichting Musica, cu ta e organisacion encarga cu e festival, p’e temporada aki a bin cu algun cambio. 

Un di e cambionan aki ta cu e pre-finalnan lo tuma luga den luna di november y a dicidi di bay den diferente bario cu nan Inky Richardson, vice-presidente di Stichting Musica a cuminsa na bisa cu e ta sumamente contento di por a mira e  publico bin apoya e festival aki. E publico presente a gosa, a balia riba e ritmo di tur e socanan y te hasta e caisonan tabata di caliber. 

E prome anochi a tuma luga na Centro di Bario y Deporte Dakota, cual festival a dedic’e na Ruben ‘Scorpio’ Garcia, como un di e baluartenan di e bario di Dakota. 

Rib’e anochi aki e bandanan cu a presenta tabata:

•        Zeta Band cu tabata tin un cantante cu tabata Richard ‘Tattoo’ Quant cu a bin c’un soca y un calypso. 

•        Tsunami cu tabata tin un total di cinco cantante, Easy B., Galloway Jr., Lady La Rouge, Rasta Freddy y Daddy Bass. Nan a participa cu cinco soca y un calypso

•        Mellow cu tabata tin un cantante. Ezzraaa, cu a bin c’un soca

•        Caribbean Band cu a bin cu Mighty Jaoul y el a presenta c’un soca. 

COMPANASHI

Pa otro siman diasabra, dia 19 di november, e festival lo tuma luga den Centro di Bario Playa Pabou. E biaha aki e festival lo ta dedica na Etty Toppenberg, como cu Etty tabata un icono di e bario di Companashi. E anochi aki e bandanan cu lo presenta lo ta Infuzion, Sound & More, Buleria, Suona, Youth X-treme. 

SAN NICOLAAS

Riba e ultimo anochi di pre-final, dia 26 di november proximo, e festival un biaha mas ta bay pariba, unda cu tur cos a cuminsa, e ta bay San Nicolas. E anochi aki lo ta dedica na un baluarte di Carnaval, un persona conoci pa tabata un gran conocedo di Calypso & Roadmarch Contest, awendia yama Caiso & Soca Contest, Roberto A. Geerman. Pa e ultimo anochi di pre-final lo tin presentacion di Musical Time, Hot Ones Band, Azucar y Groove Masters.

Por ultimo, Inky Richardson, vice-presidente di Stichting Musica, a extende un invitacion na e publico carnavalesco y e pueblo di Aruba en general pa cumpra carchi pa e pre-final den package pa Fls 50,= of individual pa Fls 20,= via di Pay.aw. 

Carchi ta obtenibel tambe individual pa tur tres anochi na Citgo Boulevard, Palm Beach, Ponton, Sta. Cruz y Essoville. 

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.