fbpx
December 07, 2022

Informacion valioso duna durante actividad di Fundacion Respeta Mi

Share on Facebook
Share on Whatsapp
0
0
Informacion valioso duna durante actividad di Fundacion Respeta Mi
Informacion valioso duna durante actividad di Fundacion Respeta Mi


Diadomingo ultimo, Fundacion Respeta Mi a organisa un actividad yama ‘Back 2 the Future’, caminda e publico presente por a haya informacion valioso.

Durante e actividad aki e fundacion a scoge punto basico number uno, cual ta lanta “bo yiu den un ambiente safe y amoroso.”

E actividad aki a tuma luga na Museo Tan Tin, situa na Pos Abao 19.

E actividad tabata di 1:00 te cu 5:00 pm, unda cu tabatin tour den e museo, pero tambe contamento di storia, tabatin un booth di informacion, arte y obra di man y tambe un dino jump p’e muchanan. Fuera di esey nan por a disfruta di un cushina super bon surti.

Riba e dia aki comunidad a bin pasa un rato agradabel n’e Cas Tan Tin, unda cu e entrada tabata completamente gratis.

SIMAN DI LANTAMENTO DI MUCHA

E aña aki comision vision pedagogico ta organisando Siman di lantamento di mucha pa di cinco biaha. E organisacionnan cu ta forma parti di e comision ta: Departamento di Asuntonan Social, Centro pa Hoben y Famia, Stichting Wit Gele Kruis, Tienda di Educacion, Fundacion Pa Nos Muchanan y Fundacion Respeta Mi. Cada organisacion a scoge un bario y un punto basico di vision pedagogico pa asina haci un actividad. Den e caso aki, Fundacion Respeta Mi a scoge e bario di Pos Abao.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.