fbpx
December 07, 2022

Meteo Aruba keto mientras cu Corsou a emiti codigo geel

Share on Facebook
Share on Whatsapp
0
0
Meteo Aruba keto mientras cu Corsou a emiti codigo geel
Meteo Aruba keto mientras cu Corsou a emiti codigo geel


E no ta un secreto cu pueblo di Aruba tin masha poco confiansa den pronostico di tempo for di Departamento Meteorologico Aruba (DMA). Nan credibilidad ta masha abou compara cu esun di Corsou. Awe por comproba esey un biaha mas. Departamento Meteorologico Aruba a pronostica cu tur cos ta trankilo y no tin ningun alerta. Algun kilometer leu, na Corsou a pronostica diferente y a hasta emiti codigo geel. 

No sa si ta falta di conocemento por hunga un rol den esaki. Na Corsou ta conta cu personanan studia y cu un departamento mucho mas ekipa y cu mas conocemento. Mientras na Aruba nos tin un yiu di tera bon studia y bon prepara, sinta na cas door di persecucion politico. Tin algun persona cu menos estudio y conocemento ta maneha un departamento asina importante. 

Recien hasta a reconoce Rodney Tromp como meteorologo despues di cumpli cu un curso na Spaña, pa cual gran parti di e curso aki tabata online via internet. Aki ta sigui e pronostico di Aruba y Corsou. 

Pronostico di Meteo Aruba: 

Awe tardi y awe nochi: Parcialmente nubla y generalmente seco. Den marduga y mañan: parcialmente nubla cu un awasero breve. Temperatura maximo 30 grado celsius, temperatura minimo 25 grado celsius.  Indice di calor (heat index) den y rond di oranan di merdia: 31 pa 35 grado celsius. 

Biento: For di direccion oost generalmente y modera. Forsa 3 te 4 (12 te 30 km/ora, 7 te 16 nudo). Den dia basta fuerte den rafaga: forsa 5 (31 te 39 km/ora, 17 te 21 nudo). 

Situacion general di tempo pa proximo 24 ora: Humedad disponibel debi na un disturbio den 

nivelnan mas abou di atmosfera lo pone mas nubia cu por produci awasero. Durante proximo 24 ora esaki por causa un awasero pasahero te breve. Debi cu e suela ta satura, actividad modera di awasero por causa molester na cierto partinan di e isla. Potencial di awasero pa proximo 24 ora: 1 te 5 mm; localmente esaki por varia.

Pronostico di Meteo Corsou: 

Analisis y pronostico ta indica posibilidad pa gran cantidad di awasero un biaha mas riba nos isla, principalmente durante oranan di marduga pa mainta. Riba e imagen adhunto, por tuma nota cu islanan ABC ta cay den e area pa posibel cantidad di awasero cu por conduci na molester di awa na e sitionan vulnerabel pa esaki. Pa e motibo aki, Meteo a emiti un codigo geel pa posibel mal tempo mas laat awe nochi.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.