fbpx
January 28, 2023

Alivio p’e comerciantenan: Porfin lo drecha riool riba e Eagle Beach strip

Share on Facebook
Share on Whatsapp
0
0
Alivio p’e comerciantenan: Porfin lo drecha riool riba e Eagle Beach strip
Alivio p’e comerciantenan: Porfin lo drecha riool riba e Eagle Beach strip


Departamento di Obra Publico ta informa pueblo di Aruba en general y specialmente nos automobilista- y peatonnan tocante e construccion pa pone tubo pa mehora e collector riool entre Costa Linda y Screaming Eagle Restaurant na J.E Irausquin Blvd.

E construccion pa mehora e collector riool entre Costa Linda y Screaming Eagle Restaurant lo keda cla den dos fase.

Den e prome fase lo coba den e trottoir pa pone e tubonan for di O Condominion te cu Screaming Eagle Restaurant, sigui pa e siguiente fase cu ta e construccion pa pone tubo den e median.

E trabaonan aki a cuminsa caba riba dialuna dia 14 di november 2022 y lo tin un duracion di 30 dia di trabao. 

Nos lo mester cera e caminda parcialmente na haltura di e parkeerplaats na altura di Coco Loco y tambe na e crusada di Screaming Eagle Restaurant pa por haci e crusada y e conexion necesario.  

Den transcurso di e simannan cu ta bin nos lo informa riba e progreso di trabao y e fecha nan exacto di ceramento pa e trabao nan lo mester tuma luga. En conexion cu esaki Departamento di Obra Publico ta haci un peticion na tur  peaton y chauffeur di auto pa tene cuenta cu e trabao nan cu ta tuma luga pa cual nos ta pidi tur automobilista, hotel  negoshinan y e otro usuarionan, comprension y disculpa pa cualkier inconveniencia cu e trabao nan por ocasiona.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.