fbpx
December 01, 2022

KPA a celebra diferente promocion y celebracion di hubileo

Share on Facebook
Share on Whatsapp
0
0
KPA a celebra diferente promocion y celebracion di hubileo
KPA a celebra diferente promocion y celebracion di hubileo
Posted on 11/14/2022 9:13 am AST | Updated on 11/14/2022 9:14 am AST

MACUARIMA – Den un evento na auditorium di J.FK. altocomisario di Polis Sr. Ramon Arnhem a haci entrega di decreto gubernamental, hubilario y reconocimento na agentenan policial y personal administrativo. Altocomisario Arnhem a cambia rango di un agente policial extra ordinario cu durante su trabou como agente policial a haya un accidente pisa cu t’e ainda e ta recuperando di su salud. Ta trata aki di polis A. Croes. Un polis cu maske tur e retonan cu e la wordo confronta cu ne a keda positivo y sigui brinda Aruba cu su servicio sin igual. Cu su pasion y determinacion ta mira cu e tin e curason di Polis pa maske con dificil e circumstancianan por ta,  e la sigui padilanti. Sr. Croes  awor por conta cu un rango mas halto for di Brigadier eerste klasse pa Hoofdagent.

Den Cuerpo Policial tambe tin e personal administrativo cu a ricibi nan promocion. Sra. W. JAcobs-Geerman. Un persona dedica cu a sigui preservera pa yuda tur agente Policial. Dunando tur personal den KPA e sosten y apoyo maske  circumstancianan a presenta pa su mes persona pero esey no a kita su gana pa sigui sirbi su Cuerpo.  

Tambe altocomisario a haci entrega di decreto gubernamental pa dos polis  cu a cumpli 25 aña den Cuerpo Policial. R. Jansen y R. Ridderstaat. 25 aña di hopi experiencia, dedicacion y respet pa e organisación policial. 

Sra. P. Perez-Henriquez  a wordo promovi di klerk eerste klasse pa  Hoofdklerk.

Un grupo grandi di Polis awor ta haya mas responsabilidad y ta wordo promoví for di brigadier eerste klasse pa Hoofdagent: Y. Peña, D. VISSER Boekhoudt, A. Harms, L. Croes, A. Geerman, J. Petrona, A. Angela y M. Illes.  

G. Geerman y E. Maduro a wordo promovi di Hoofdagent pa Hoofdagent eerste klasse.

J. Tromp, S. Kock, R. Dirks,  y F. van der Linde a wordo promovi for di Onderinspecteur pa Onderinspecteur eerste klasse.

 

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.