fbpx
December 08, 2022

Minister di Finanzas: Parlamentario a bay bruid na Colombia y ta ausente durante tratamento di presupuesto

Share on Facebook
Share on Whatsapp
0
0
Minister di Finanzas: Parlamentario a bay bruid na Colombia y ta ausente durante tratamento di presupuesto
Minister di Finanzas: Parlamentario a bay bruid na Colombia y ta ausente durante tratamento di presupuesto


Dialuna mainta, Minister Xiomara Maduro tabata bek den sala di Parlamento di Aruba pa continua cu e tratamento di presupuesto di Pais Aruba pa 2023. Den su turno na palabra, e titular di finanzas a manifesta su indignacion pa e echo cu fraccionnan di oposicion a continua cu nan accion di protesta door di no presenta na reunion. En particular, Minister Maduro a enfoca su disgusto riba Parlamentario mr. Gerlien Croes, kende maske no a menciona cu nomber y fam, a tilda claramente di ta falta na su responsabilidad, door di entre otro, atende un bruid na Colombia den fin di siman.

A califica e presupuesto como logro, pero na mesun rosea, a cuestiona cu oposicion no tabata presente pa atende e ley mas importante di e pais. El a conta con el a wak dos di nan “bin piki aki den mane paloma ta pik anto e ora eynan sali bay.” Minister Maduro ta cuestiona con por haci e trabou di representacion si pa e ley di mas importante, no t’ey.

El a continua na bisa: “Mi ta supone nan a firma pa come tambe paso esey ta e trend nobo. Cuenta di bay bin kiden, firma un cos, bisa cu nan t’ey; djey e ora eynan bay sinta ey bou saca selfie.” Su tras e mandatario a menciona tocante parlamentario nobo den político ta grita critica, bay radio merdia y referi na e persona aki como ‘batacaso’, ademas di indica cu ta esakinan ta e futuro di e partido di mas grandi den oposicion (AVP), pero di otro banda el a wak un potret di dicho parlamentario na Colombia na un fiesta di bruid.

Pa e relato completo, lesa edicion di TREMPAN 

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.