fbpx
November 28, 2022

Misha Raymond (RAIZ) a entrega mocion pa un plan di prevencion di suicidio

Share on Facebook
Share on Whatsapp
0
0
Misha Raymond (RAIZ) a entrega mocion pa un plan di prevencion di suicidio
Misha Raymond (RAIZ) a entrega mocion pa un plan di prevencion di suicidio


Parlamentario Misha Raymond kier pa Gobierno implementa un plan di prevencion di suicidio. Parlamentario y lider di fraccion Raiz, Misha Raymond, ta entrega un mocion cardinal durante tratamento di presupuesto 2023 den Parlamento. Cu e mocion e kier urgi gobierno bin cu un plan cu lo yuda preveni suicidio na Aruba.

Ta asina cu na 2014 e Pan American Health Association (P.A.H.O.) a tene un estudio na e continente Americano pa haya mas informacion tocante suicidio den nos region. Aruba tambe a forma parti di e estudio aki na unda a resulta cu e averahe di suicidio ta 5.1 pa cada 100 mil habitante. Esaki ta mas halto cu entre otro Colombia, Peru, Costa Rica, Brazil, Mexico, Ecuador, y Venezuela. Pues un cantidad alarmante y halto den nos region.

Parlamentario Misha Raymond kier pa gobierno implementa un plan di prevencion den nan maneho pa asina por tin un efecto riba e cifranan alarmante aki di suicidio.

Den e plan di prevencion di suicidio Misha ta boga pa gobierno implementa entre otro un ‘bellijn’ 24/7 na unda hende por ricibi ayudo ki ora cu ta y dibiaha, un campaña di conscientisacion, y cuido continuo haci pa profesionalnan den e ramo.

Misha Raymond: ”It takes a society to prevent a suicide”.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.