fbpx
December 02, 2022

AHATA y ATIA: Limitacion riba devaluacion ta un medida extremo

Share on Facebook
Share on Whatsapp
0
0
AHATA y ATIA: Limitacion riba devaluacion ta un medida extremo
AHATA y ATIA: Limitacion riba devaluacion ta un medida extremo
AHATA y ATIA: Limitacion riba devaluacion ta un medida extremo
Posted on 11/15/2022 2:10 pm AST | Updated on 11/15/2022 2:15 pm AST

ORANJESTAD – Segun AHATA y ATIA, limitacion riba devaluacion ta un medida extremo.  Segun e dos gremionan, Gobierno di Aruba su plan di impuesto 2023 tin varios elemento hopi dañino pa companianan na nos pais. Un elemento cu ta causa hopi preocupacion serca e gremionan AHATA y ATIA, ta e limitacion riba deduccion di devaluacion di propiedad inmobil. 

Limitando e deduccion na “leggerwaarde” ta un medida extremo contra e companianan cu ta doño di propiedad grandi. Marando e maximo deduccion na e leggerwaarde ta causa consecuencia pisa pa resultado financiero. E ta un medida cu ta kibra clima di inversion na Aruba. Na Corsow, por ehempel, e limite ta hopi mas abao, na 50% di leggerwaarde. Mientrastanto, ta departamento di impuesto ta unilateralmente determina e leggerwaarde, y e dos gremionan grandi ta cuestiona si e departamento ta cualifica y motiva pa e responsabilidad di determina e balor di propiedad na un manera husto. 

Segun e gremionan, ta importante pa Gobierno di Aruba yega na un presupuesto di 2023 cu no ta anti-inversionista y cu ta pone mas atencion riba cumplimento di pago di impuesto pa esnan cu no ta cumpliendo y baha gasto gubernamental.     

AHATA y ATIA ta gradici gobierno pa e subsidio di salario cu a ofrece na tur dunador di trabao durante temporada critico di pandemia, pa por scapa cupo di trabao y actividad economico, y asina sigui paga impuesto na gobierno tambe. Awor ta pidi gobierno pa tin e mesun claridad riba e importancia di tene compania nan porta habri y mantene un clima di inversion positivo y activo. Cu inversion nos comunidad ta beneficia di un economia productivo.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.