fbpx
December 07, 2022

Darlaine Guedez-Erasmus (MEP): Comision Vision Pedagogico cu varios actividad pa mucha

Share on Facebook
Share on Whatsapp
0
0
Darlaine Guedez-Erasmus (MEP): Comision Vision Pedagogico cu varios actividad pa mucha
Darlaine Guedez-Erasmus (MEP): Comision Vision Pedagogico cu varios actividad pa mucha


Pa di cinco aña consecutivo, Comision Vision Pedagogico, den un siman den november, ta organisa diferente actividad pa nos muchanan hunto cu nan mayornan. Tin schedule cu informacion di e siman di celebracion aki pa asina por tin un miho bista di unda tur por acudi y participa activamente. Si ta e charlanan pedagogico, participacion na e weganan, mira pelicula di derecho di mucha y mucho mas. 

Diasabra 19 di november 2022, Gobierno di Aruba bou di encargo di Ministerio di Husticia y Asuntonan social ta organisando un actividad, un marcha door di Caya G.F. Gilberto François Betico Croes. E marcha lo saliendo di Plaza Nicky Habibe pa 3:30 pm pa Plaza Padu, unda cu lo tin diferente actividad. Ta importante pa enfatisa cu tin un bus cu ta sali 3:00 pm for di YMCA San Nicolas y ta regresa cu e bus 7:00pm na YMCA. Gobierno ta facilita esaki, pa asina duna e oportunidad pa tur mucha di Aruba por participa. 

Ta importante pa nos, como adulto, tuma e siman aki pa reflexiona riba con nos ta tratando e muchanan y kico nos por haci, pa asina proteha y yuda e muchanan crece bon. “Mi kier gradici e mayornan cu ta haci tur nan esfuerso pa lanta e muchanan sano y cu lo bira e ciudadanonan fuerte den nos comunidad. Mi kier gradici tur e instancianan cu ta traha duro pa desaroyo positivo pa e derechonan di mucha aki na Aruba. Mi kier gradici nan pa nan pasion, dedicacion y amor. Mi kier gradici Gobierno di Aruba pa nan maneho na bienestar di nos muchanan.”

Ban participa hunto cu e muchanan den e actividadnan aki y ban semper brinda nos muchanan hopi amor y laga nan sinti nan mes importante.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.