fbpx
December 04, 2022

Hulanda ta contribui na desaroyo di estadistica di calidad halto na Aruba

Share on Facebook
Share on Whatsapp
0
0
Hulanda ta contribui na desaroyo di estadistica di calidad halto na Aruba
Hulanda ta contribui na desaroyo di estadistica di calidad halto na Aruba


Ministerio di Asuntonan Interno y Relacionnan den Reino ta duna Aruba sosten pa medio di subsidio y intercambio di conocemento pa e asina yama Landspakket, un acuerdo mutuo cu Aruba y Hulanda a acorda pa motibo di e pandemia di COVID-19. 

Hulanda lo duna 820 mil dollar na sosten pa bin c’un Sistema Nacional di Estadistica pa Aruba (Nationaal Statistisch Systeem, NSS). NSS tin cuatro obhetivo strategico (1) reenforsa e ley di estadistica, (2) reenforsa e lasonan di trabou pa produccion di estadistica, (3) harmonisacion y standarisacion di sistemanan di data y (4) opleiding pa personal encarga cu produccion di estadistica.

Ministerio di Asunto Economico, Comunicacion y Desaroyo Sostenibel di Aruba a encarga e actual comision di NSS, cu participacion di Centraal Bureau Statistiek, e Departamentonan di Salud Publico, Enseñansa, Labor, Asunto Economico, Comercio y Industria, Naturalesa y Medio Ambiente, Comision di SDG, Oficina di Censo y Registro Civil y Banco Central di Aruba.  

Unabes institui, NSS lo keda coordina pa Centraal Bureau voor de Statistiek di Aruba y ta bay forma parti di e NSS hunto cu instancianan cu ta bay produci estadistica oficial. A scoge pa esaki pa produci estadistica di calidad halto, na tempo y relevante pa formacion, monitor y evaluacion di maneho. Estadistica di calidad halto ta necesario pa monitor entre otro e desaroyonan social, economico y medio ambiente di un pais. Ademas e disponibilidad y acceso publico di e estadisticanan ta sostene  transparencia y responsabilisacion den e proceso di desaroyo di maneho.

EVALUACION DI LEY

E organisacion di NSS ta cana pareu cu formulacion di ley nobo y adaptacion di ley existente. Esaki ta importante pa e exito di NSS, caminda e rol y responsabilidad di tur participante ta stipula. 

Banda di esaki e ley ta duna atencion na con ta intercambia data entre e participantenan y con ta protege informacion individual di e persona- y entidadnan pa gana confiansa di suministrado y usuario. Tambe e cuadro di ley mester duna aporte na reconocemento di e estadisticanan oficial, door di stipula terminonan cla pa e proceso di otorga un marca di calidad na e estadisticanan oficial.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.