fbpx
December 01, 2022

Marco Berlis (MEP): Gobierno ta haya 35 miyon florin extra cu introduccion di BBO

Share on Facebook
Share on Whatsapp
0
0
Marco Berlis (MEP): Gobierno ta haya 35 miyon florin extra cu introduccion di BBO
Marco Berlis (MEP): Gobierno ta haya 35 miyon florin extra cu introduccion di BBO


Diabierna 11 di november y dialuna 14 di november Minister mr. Xiomara Maduro y Minister Presidente mr. Evelyn Wever Croes a presenta den parlamento pa duna cuenta di e presupuesto di nan carteranan respectivo. Mesora ora minister Xiomara Maduro a yega entrega un nota di cambio, cual tabata cumpli cu tur rekisito di CAFT y RMR.

Pa por a cumpli cu e 1% di surplus, cu ta mas o menos 63 miyon florin, a introduci BBO na grens y tambe a crea un begrotingsfonds Pandemische Veerkracht en innovatie. E introduccion di BBO na grens lo mester zorg pa 35 miyon florin extra cual lo mester drenta caha di gobierno. Sinembargo, pasobra esaki lo keda introduci te dia prome di juni 2023. E entrada di esaki lo ta 15 miyon florin so pa 2023. Ademas lo cuminsa activa e Begrotingsfonds PVI, cual lo bin den luga di e Aruba Travel Insurance-noodbijdrage, cual ta $15 of 27 florin pa turista. Di e placa cu lo drenta lo destina 35% pa e fondo aki y 65% pa Algemene Middelen di e pais. E entrada ricibi di esaki lo ta aproximadamente 25 miyon florin.

Un Outlook Economico pa 2023 ta optimista

Departamento Economico tin tres “economic outlook” pa e aña 2023, di cual e scenario optimista (A) ta esun mas realistico mirando e recuperacion economico cu a tuma luga y ta premira. Den e scenario aki ta premira e mesun trend di recuperacion turistico cu esun di 2022. Ta spera cu e economia di Aruba lo crece cu 6.8% na 2023. Esaki ta un mehoracion di 1.7% compara cu e pronostico di juni 2022, den cual a premira un pronostico di 5.1%. Ademas IMF ta comenta cu e e consecuencianan di e pandemia ainda ta influencia nos pais y e guera di Rusia y Ucrania ta strobando e recuperacion di economia di e paisnan tur rond mundo. IMF ta pronostica tambe cu Aruba lo experiencia un inflacion di 5.5% na 2023.

Cortamento den ministerio y inversion di Hulanda

Pa por cumpli cu e surplus di 1% riba e presupuesto di, tambe a corta miyones den e diferente carteranan y ministerionan di tur ministernan. Aunke e logro aki lo duna trankilidad na gobierno pa loke ta trata aanwijzing, como Parlamentario mi ta preocupa cu e cortamento adicional aki lo causa stagnacion di inversion, stroba funcionamento di departamentonan, y tranca cierto ayudo financiero pa NGO’s importante. Hulanda a papia hopi di lo inverti segun e landspakketnan. Awor cu Aruba ta cumpliendo cabalmente cu e normanan y lo pasa un presupuesto cu e surplus di 1% manera rekeri pa RMR, ban wak con lihe Hulanda lo responde cu e inversionnan pa Aruba cu cual nan a compromete nan mes.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.