fbpx
November 28, 2022

‘Bring Your Kid To Work Day’ na Kooyman

Share on Facebook
Share on Whatsapp
0
0
‘Bring Your Kid To Work Day’ na Kooyman
‘Bring Your Kid To Work Day’ na Kooyman


Centro pa Hoben y Famia hunto cu directiva di Kooyman a tene diamars un asina yama ‘Bring Your Kid To Work Day’ caminda empleadonan por a trece nan yiunan trabou pa participa den un programa cu ta inclui tambe workshop y actividad hunto. Yvonne Geerman Bermudez, coordinador di e centro a expresa cu tabata un honor di por a haya e cooperacion di Kooyman pa yega cerca mayornan na pia di trabou.

Geerman Bermudez a splica cu mainta tabatin algun sesion caminda a organisa diferente workshop pa mayornan cu por a asisti durante ora di trabou. Merdia tabatin e parti di Bring Your Kid To Work Day caminda empleado ta haya chens di trece nan yiu y e muchanan por wak di cerca kico nan mayornan ta haci. Tambe a un tour rond di e negoshi y oportunidad pa combersa cu nan mayornan. Atardi tabatin otro workshop caminda di participa cu nan mayor den un tipico workshop cu Kooyman ta organisa regularmente pa cliente.

“E punto basico ta apoyo positivo, guia y pasa tempo hunto unda cu e mayor y e yiu ta haya chens di haya mas informacion riba e area aki tambe,” asina e coordinador a splica. E actividad ta den conexion cu Siman di Lantamento di Mucha y Dia International di Derecho di Mucha cu ta dia 20 di november. E biaha aki dies mucha so a participa door di diferente circunstancia manera tempo corto, CP na scol y tambe aspecto di transporte. E coordinador a priminti cu pa un proximo biaha lo anuncia cu suficiente tempo di anticipacion.

Geerman Bermudez: “Pa empleado ta algo nobo y nos ta contento y kier invita otro compania cu kier dedica un tempo pa famia y pa promove e bienestar di nan empleado pa yama Centro pa Hoben y Famia via e pagina di Facebook na 528-1200.” Durante e actividad tabatin tambe un booth di informacion hunto cu Wit Gele Kruis, Fundacion Pa Nos Muchanan y Fundacion Respetami pa comparti hunto cu empleado, pero tambe cu cliente.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.