fbpx
November 27, 2022

Minister Ursell Arends: Presupuesto ta conta cu aprobacion di Hulanda

Share on Facebook
Share on Whatsapp
0
0
Minister Ursell Arends: Presupuesto ta conta cu aprobacion di Hulanda
Minister Ursell Arends: Presupuesto ta conta cu aprobacion di Hulanda


Desde siman pasa te cu awe, ya ta 6 dia cu Parlamento ta den tratamento di Presupuesto di pais Aruba pa aña 2023. 

Un presupuesto cu a entrega dia prome di september cumpliendo asina cu ley despues di 15 aña bek. Cada dia a trata presupuesto di dos ministerio apart y si no a caba riba un dia, a sigui pa un di dos dia riba e diferente ministerionan. E presupuesto aki a conta cu hopi atencion y critica di parti di oposicion cu hasta nan a entrega un carta di protesta. 

APROBACION

Diaranson despues di varios dia di tratamento den parlamento, a aproba e presupuesto di pais Aruba. Minister Ursell Arends a cuminsa na bisa cu diaranson tabata un dia historico. Ta despues di hopi aña cu Aruba ta entrega un presupuesto na tempo y c’un nota di cambio, unda cu e presupuesto tin te hasta un surplus di 1%. 

Esaki ta duna perspectiva na comunidad cu e Gobierno ta bayendo den e direccion. No solamente esey, pero ta cumpli tambe cu e palabracionnan haci cu Hulanda. Esaki ta duna tur trankilidad cu e presupuesto ta aproba y por cuminsa traha riba e proyecto nan cu a priminti tambe riba e presupuesto. 

CAft y Raad van Advies a duna nan comentario riba dje. Tur e institutonan cu mester a papia, a bisa claramente kico ta e proceso cu mester a cana. Ni kico nan haci, Gobierno lo no cambia e opinion di oposicion.  Gobierno di Aruba a traha segun ley, segun regla ta prescribi.

PRESUPUESTO

Gabinete Wever-Croes II a entrega na Parlamento di Aruba Presupuesto 2023 dia prome di september 2022. Esaki ta algo cu a pasa despues di diescinco aña. E presupuesto ta contene un surplus di 63 miyon florin cu ta 1% di GDP, cual esaki tambe ta algo historico. Esaki ta di dos bes cu ta conoce un surplus despues cu na 2019 esey tabata di 4 miyon florin. Pa diesdos aña Aruba a conoce solamente deficit. Durante tratamento di e ley aki, cual parlamento a trata durante seis pa shete dia, oposicion no tabata presente den sala pero si na momento di presupuesto supletorio 2022. Diesun parlamentario (9 di MEP y 2 di Raiz) a vota pro presupuesto 2023, mientras seis di oposicion, AVP, Accion21 y MAS, a vota contra.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.