fbpx
November 30, 2022

Baluarte sindical Stanley Brown a bay sosega

Share on Facebook
Share on Whatsapp
0
0
Baluarte di Corsou Stanley Brown a bay sosega
Baluarte di Corsou Stanley Brown a bay sosega


A drenta un informacion cu Stanley Clayton Brown, na edad di 84 aña di edad. Stanley a nace dia 6 di october 1938 y a fayece diaranson, dia 16 di november 2022.

Stanley tabata miembro di staten pa Frente Obrero na aña 1969 y tabata riba lista na aña 1969, 1983 y 1985.

Stanley tabata un intelectual y revolucionario den Partido Frente obrero, liberacion 30 di mei.

Stanley tabata e ultimo di e shete pioneronan riba lista na september 1969, caminda Frente Obrero a saca 3 asiento. 

Manera e grandinan a bisa semper, otro palo grandi a bay. Ta pesey ta importante pa enfoca riba e balor cu nan tabatin den e mundo sindical y Brown tabata un persona cu a cuminsa den mundo sindical. 

Despues el a forma parti den e organisacion politico C93 pa Corsou bira un provincia. Semper su comentarionan tabata riba Facebook y otro plataforma.

Ta bale la pena pa sa ken nos baluartenan sindical ta pasobra ora nan bay tin cu coba, busca, pa haya tur cos. A compronde cu el a bay pa tratamento di dokter, pero tabata laat caba y no por a haci nada mas.

Brown na bida, tabata tata di e dos empresarionan conoci Clayton y Stanley Brown di e.o Multimedia, Expo Cas y Casnan.com

Condolensia ta bay na su señora Anemarie, su yiunan, famia, conoci y e Frentistanan. Cu Stanley sosega na paz.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.