fbpx
December 02, 2022

Cancion “Abo so” awor den bachi nobo

Share on Facebook
Share on Whatsapp
0
0
C-Zar ta trece cancion Abo So den bachi nobo
C-Zar ta trece cancion Abo So den bachi nobo


Recientemente a lansa e tema “Abo so” di Padu del Caribe, den feliz memoria, na tur radio y den circulacion di social media. Por mira y scucha e cantica riba YouTube pa Aruba, Boneiro y Corsou. E tema ta produci musicalmente pa Maikol Lugo miho conoci como Miki Drums, kende tabata nomina aña pasa pa Latin Grammy pa su gran talento.

Miki a sa di produci e tema aki di nos historia musical den un bachi nobo cu a keda sumamente sublime pa scucha. Uno di e tantisimo temanan di e maestria di Padu del Caribe cu semper ta ser scogi na tur celebracion matrimonial.

C-zar Olarte no falta mucho mas p’e contrae matrimonio cu Chelsea Peterson. C-Zar a laga sa cu e curasonnan ta yena di solamente felicidad, emocion y alegria. A lansa un video di letra pa tur hende canta hunto cu esaki. Na e momentonan aki, ta grabando e cancion aki na Mexico. Ta hinca e cancion inmortal aki den un bachi mas nobo cual ta e musica jaliciense, musica Mexicano. Un estilo manera La Binkina cu Luis Miguel a graba den pasado.

Keda pendiente p’e video clip cu lo sali tambe pronto filma y produci pa Dani Cruz, kende ta otro hoben yena di talento den e mundo di filmacion, grabacion y editing na Aruba y Corsou. E tema y produccion ta danki na C&C Enterprises. Como e productornan ta Maikol Lugo y Cesar Olarte. Director dje video ta Nick Nuñez, productor di video ta Cesar Olarte y Chelsea Peterson, editor a Skillmatica, potret ta den man di Petico Croes. Bistimento tabata den man di Visa Versa Clothing and Beauty Salon.

“Abo So” ta letra y melodia di Padu Del Caribe den feliz memoria. E ta canta pa Aruba su Latin Grammy Award Winner C-Zar Olarte. E ta produci, aregla y masterisa pa Maikol Lugo miho conoci como Miki Drums. Pa por mira y scucha e video, click riba e link aki https://lnkd.in/eESCrPeb. Tambe por sigui C-Zar Olarte via Facebook https://lnkd.in/eKMhQTVW, Instagram https://lnkd.in/ezSHuwki y Tiktok @cesarolartearubatiktok.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.